Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 3/2001, seguidos por instancia de Manuel González Miranda contra Excavaciones Transcero, S.L. sobre salarios, nos que recaeu sentencia con data do 7-6-2001 que, copiada nos particulares necesarios, di así:
«Que, estimando a demanda formulada por Manuel González Miranda, contra a empresa Excavaciones Transcero, S.L., condeno a esta a aboarlle a cantidade de 1.007.204 pesetas, que lle debe en concepto de salarios.
Notifíquese a presente resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.
Prevese a empresa demandada de que, para recorrer, deberá acreditar ter ingresado na c/c de consignacións, código 5604.0000.60 3-2001, do Banco Bilbao Vizcaya desta cidade, denominada Conta do Xulgado do Social Número Tres, o importe da condena é 25.000 pesetas en concepto de depósito, requisitos sen os cales non será admitido a trámite o recurso, quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Excavaciones Transcero, S.L., expido e asino esta cédula na Coruña o 6 de xullo de 2001.
O secretario xudicial
Rubricado