Por decreto da alcaldía con data do 8 de agosto de 2001, préstase aprobación ó prego de cláusulas administrativas que rexerán o procedemento para contratación das obras que se indican, o cal se expón ó público polo prazo de oito días hábiles, contados a partir do seguinte ó da publicación deste anuncio no BOP e no DOG, computándose para efectos de prazos a última publicación de ámbalas dúas, para que poidan presentarse reclamacións por quen se consideren interesados.
Simultaneamente anúnciase o concurso, se ben a licitación se aprazará cando resulte necesario de presentarse reclamacións ó prego.
1. Entidade adxudicadora: Concello de Toén, r/ Ribadela, 1. 32930 Toén (Ourense).
2. Obxecto do contrato: rede de sumidoiros en Puga-Alongos-Castiñeiras, de acordo co prego de cláusulas administrativas e proxecto técnico redactado polo enxeñeiro de camiños Manuel Durán Fuentes, e aprobado pola alcaldía con data 12 de xullo de 2001.
Prazo de execución: tres meses.
3. Tramitación: urxente.
Procedemento: aberto.
Forma: concurso.
4. Tipo de licitación: 16.661.500 pesetas, equivalentes a 100.137,63 euros, IVA e demais tributos incluídos.
5. Garantías.
Provisional: non se esixe.
Definitiva: 4% do tipo de licitación.
6. Obtención de información e documentación: na Secretaría do Concello de Toén, r/ Ribadela, 1. 32930-Toén (Ourense). Teléfono: 988 26 10 74. Fax: 988 26 12 72.
7. Requisitos xerais do contratista: sinalados no prego de condicións administrativas.
Clasificación: non se esixe.
8. Presentación de proposicións.
a) Prazo e lugar: no rexistro xeral do Concello de Toén, durante os 13 días naturais, desde o seguinte ó da publicación do presente anuncio no último dos boletíns en que apareza (BOP ou DOG, de 9 a 14 horas de luns a venres. O proxecto técnico atópase na Copistería Copyplaza, S.L., situada na praza Maior de Ourense, nº 8, así como o prego de condicións que rexerán a contratación para efectos de obtención de copias.
b) Documentación que hai que presentar:
Proposición para tomar parte na licitación para a contratación das obras de rede de sumidoiros en Puga-Alongos-Castiñeiras, nº 146/2001, do POL 2001, polo procedemento aberto mediante concurso, convocado polo Concello de Toén.
Constarán de dous sobres cerrados A e B, que conterán a documentación sinalada na cláusula XVIII do prego de condicións administrativas particulares, denominados:
Sobre A, Documentación acreditativa da personalidade e características do contratista e garantía depositada.
Sobre B, oferta económica e criterios diferentes ó do prezo.
9. Apertura de ofertas: ás trece horas do segundo día hábil seguinte ó de finalización do prazo de presentación de proposicións, considerándose para este caso inhábil o sábado.
10. Gastos de anuncios: por conta do adxudicatario.
Toén, 9 de agosto de 2001.
O alcalde
Rubricado