Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño que nos autos seguidos perante este xulgado do social, tramitados baixo o número 349/2001, por instancia de José Arias Arias e outros contra a empresa Grupo M.V Recambios, S.L. e Fogasa sobre despedimento, dictouse a seguinte sentencia:

«Na cidade da Coruña, 16 de xullo de 2001.

Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 349/2001, seguidos por instancia de José Arias Arias, Manuel Torres Vilas, José Luis Vázquez Vázquez, José Vergara Regueira, asistidos polo letrado José Páramo Sureda, contra a empresa Grupo M.V. Recambios, S.L. e Fogasa, que non compareceron, sendo o obxecto da reclamación, despedimento.

Seguen feitos e fundamentos de dereito.

Decido que debo estimar e estimo a demanda interposta polos demandantes, debo declarar e declaro improcedemente o despedimento efectuado pola empresa Grupo M.V. Recambios, S.L. e, extinguida a relación laboral dos demandantes coa empresa na data da presente resolución, condenando á empresa a que lles aboe ós demandantes a seguinte indemnización e aboamento dos salarios de tramitación que se dirán: a favor de José Arias Arias, 548.985 pesetas máis 531.920 pesetas por salarios de tramitación; a favor de Manuel Torres Vilas, 197.854 pesetas máis 522.764 pesetas por salarios de tramitación; a favor de José Luis Vázquez Vázquez, 119.731 pesetas, máis 497.149 pesetas por salarios de tramitación; e a favor de José Vergara Regueira, 34.209 pesetas. máis 497.149 pesetas por salarios de tramitación.

Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo, entrega-lo resguardo acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603 clave 60, facendo constar no ingreso o número do expediente.

E así mesmo, deberá no momento de interpo-lo recurso consigna-la cantidade de 25.000 pesetas en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo

e asínoo».

E para que lle sirva de notificación a empresa Grupo M.V Recambios, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña, o 16 de xullo de 2001.

O secretario xudicial

Rubricado