Con data do 12 de xullo do ano 2001, a Comisión de Goberno do Concello aprobou o proxecto técnico e con data 29 de agosto de 2001 prestouse aprobación ó prego de cláusulas económico-administrativas particulares para a contratación da obra rede de sumidoiros en Ermille e outros, o que se expón ó público no negociado de contratación desta corporación, polo prazo de 4 días hábiles, contados desde o día seguin

te ó da inserción deste anuncio no DOG e no BOP, para que poidan presentarse reclamacións, que serán resoltas pola Comisión de Goberno, no prazo de 2 días.

Así mesmo, anúnciase a licitación para adxudicar, por concurso, en procedemento aberto e trámite de urxencia, o contrato, se ben a licitación se aprazará, cando resulte necesario, no suposto de que se formulen reclamacións contra o citado prego.

Obxecto: realización, por procedemento aberto, mediante a forma de concurso e tramitación de urxencia, da obra rede de sumidoiros en Ermille e outros, de acordo co prego de cláusulas e o seu proxecto, redactado polo enxeñeiro técnico de obras públicas Jesús Iglesias Iglesias e aprobado pola Comisión de Goberno, na sesión do día 12 de xullo do ano 2001.

Tipo de licitación: 14.639.500 pesetas, no que se inclúen beneficio industrial, gastos xerais, fiscais, dirección de obra e IVE.

Prazo de execución: 5 meses a partir do día seguinte ó da data de comprobación do planeamento.

Lugar onde está de manifesto o expediente: na secretaría do concello das 9 ás 14 horas, días laborais, agás sábados.

Pagamento do prezo resultante da execución con cargo á aplicación orzamentaria 44.600 do vixente orzamento.

Ese gasto foi autorizado por acordo do 29 de agosto do ano 2001.

Garantía provisoria: 292.790 pesetas, equivalente ó 2% do tipo de licitación.

Garantía definitiva: equivalente ó 4% do tipo de adxudicación.

Clasificación do contratista: non procede.

Presentación de proposicións e documentación complementaria: na secretaría do concello das 9 ás 14 horas, dentro dos 13 días naturais seguintes á inserción deste anuncio no DOG e BOP.

As proposicións presentaranse axustándose ó modelo que se establece no prego de cláusulas que rexe a contratación.

Cando as proposicións se remitan por correo, o licitador deberá xustifica-la data e hora en que efectuou o envío e comunicarllo por fax ou telegrama ó órgano de contratación dentro da data e hora establecidos como prazo de presentación. Sen a concorrencia destes requisitos non será admitida a proposición se é recibida con posterioridade ó prazo sinalado neste anuncio.

Apertura de proposicións: o acto licitatorio será público e terá lugar trala constitución da mesa de contratación, ás 13 horas do primeiro día hábil seguinte ó da finalización do prazo para presentar proposicións, agás que ese día coincida en sábado ou festivo, suposto no que a licitación terá lugar á mesma hora o primeiro día hábil posterior.

Lobeira, 30 de agosto de 2001.

Emilio Higuero Cardoso

Alcalde