O Consello da Xerencia Municipal de Urbanismo, en sesión do 19 de xullo de 2001, adoptou entre outros, o seguinte acordo:
Primeiro.-Tomar coñecemento do documento de avance do Plan especial de protección e ordenación
do pazo Quiñones de León, os seus xardíns e parque Castrelos de Vigo, de iniciativa municipal, redactado polo estudio de arquitectura Rodríguez y Rivoira Arquitectos, así como das suxestións e observacións formuladas ó mesmo polas oficinas de Planeamento e Barrios Históricos da Xerencia, transcritas na parte expositiva deste acordo.
Segundo.-Somete-lo expediente ó trámite de información pública polo prazo dun mes, mediante anuncios que se publicarán no DOG e nun dos xornais de maior circulación da provincia, a fin de que polas distintas entidades e particulares se poidan formu-las suxestións que estimen oportunas.
Terceiro.-Acorda-la suspensión do procedemento de outorgamento de licencias de parcelación de terreos, edificación e demolición, co fin de estudia-la formación do plan de acordo co disposto no artigo 34.1º da Lei 1/1997, do 24 de marzo, do solo de Galicia, nas zonas que aparecen reflectidas no plano anexo coa lenda Áreas propostas de suspensión de licencias.
Cuarto.-Remitir exemplares do avance á CPTOPV e á Delegación de Goberno en Galicia a fin de que
poidan achegar cantos documentos e informacións deban ser tidas en conta, así como á Dirección Xeral do Patrimonio Cultural da Consellería de Cultura da Xunta de Galicia, á Demarcación de Estradas do Estado e a Augas de Galicia, por razón da lexislación sectorial afectada.
Quinto.-Solicitar informe dos demais servicios municipais con competencias sobre o ámbito do PEP.
O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 6 de agosto de 2001.
Lois Pérez Castrillo
Alcalde presidente da Xerencia Municipal
de Urbanismo