O Decreto 50/2000, do 20 de xaneiro, que regula o recoñecemento das escolas de tempo libre, establece no seu artigo 59.1º que o recoñecemento das escolas de tempo libre e a aprobación dos seus programas de formación lle correponde á Consellería de Familia e Promoción do Emprego, Muller e Xuventude.

Examinado o expediente promovido por Xosé Dositeo Veiga Alonso, en nome e representación de Altega, S.L., no que solicita o recoñecemento e a aprobación dos programas de formación da escola de tempo libre Animacción, a Dirección Xeral de Xuventude efectúa proposta favorable ó recoñecemento solicitado, por ser conforme coa lexislación

vixente, vistas as normas reguladoras desta materia (Decreto 50/2000, do 20 de xaneiro). Por todo isto,

DISPOÑO:

Primeiro.-Recoñecerlle á escola de tempo libre Animacción a condición de escola de tempo libre, aprobando os programas de formación propostos para os niveis primeiro (monitores/as de actividades de tempo libre) e segundo (directores/as de actividades de tempo libre e directores/as de campos de traballo) fixados no Decreto 50/2000, do 20 de xaneiro.

Segundo.-Ordena-la inscrición da escola de tempo libre Animacción no Rexistro de Escolas de Tempo Libre dependente da Dirección Xeral de Xuventude, correspondéndolle o número G.28.

Terceiro.-A Consellería de Familia e Promoción do Emprego, Muller e Xuventude expedirá os títulos acreditativos correspondentes ás ensinanzas impartidas pola escola de tempo libre Animacción, sempre de acordo co establecido no Decreto 50/2000, do 20 de xaneiro, quedando esta supeditada á supervisión e inspección ordenadas no artigo 59.2º do dito decreto.

Santiago de Compostela, 12 de febreiro de 2001.

Manuela López Besteiro

Conselleira de Familia e Promoción do Emprego, Muller e Xuventude