O Pleno da Corporación, en sesión do dezasete de outubro de dous mil un, prestou aprobación inicial ó proxecto de modificación puntual do Plan Xeral de Ordenación Urbana de Pontevedra na súa unidade de actuación nº 16-Cuartel de Campolongo, tendente á nova regulación urbanística asistemática do seu ámbito e o posterior asinamento dun convenio urbanístico no que materializa-la obtención dunha parcela para albergar un futuro edificio administrativo da Comunidade Autónoma, recursos para financia-los plans de investimentos Forzas Armadas e solo para equipamento administrativo, zonas verdes e vías en mellora da calidade de vida cívica; é o documento de ordenación de modificación do PXOU formulado por esta Administración municipal e redactado polo arquitecto xefe de oficina técnica municipal de Planeamento e Xestión con data do 10 de outubro de 2001, en cumprimento e nos termos do informe emitido polo conselleiro de Política Territorial, Obras Públicas e Vivenda da Xunta de Galicia con

data do 25 do pasado mes de setembro. Disponse o sometemento a información pública deste expediente polo prazo dun mes con anuncio no DOG, BOP, taboleiro de edictos do concello e nun dos xornais de maior circulación da provincia.

Durante o prazo dun mes, computándose o momento inicial do prazo de alegacións desde o día seguinte ó de publicación do primeiro anuncio ata o transcurso do prazo citado dun mes contado desde a última publicación, calquera interesado poderá examinar no Servicio de Urbanismo, Medio Ambiente e Patrimonio Histórico deste concello (rúa Churruchaos) a documentación inicialmente aprobada, e formula-las alegacións que coide pertinentes.

Pontevedra, 22 de outubro de 2001.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo e Medio Ambiente

Julio Dapena Outomuro

Secretario xeral