Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Ourense, 32003 Ourense.

Denominación: L.M.T.S., C.T., urbanización Os Chaos.

Situación: O Barco de Valdeorras.

Descricións técnicas: liña subterránea a 15 kV de 440 m con orixe e remate na L.M.T. subterránea que subministra os CC.TT. r/ Industrial e Chao, con entrada e saída no C.T. proxectado na urbanización Os Chaos, de 630 kVA, R/T 15.000/380-220 V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

Ourense, 18 de decembro de 2001.

Alfredo Cacharro Pardo

Delegado provincial de Ourense