DOG 26 do 05/02/2002 - RESOLUCIÓN do 23 de xaneiro de 2002, da División de Recursos Económicos, pola que se anuncia concurso, polo procedemento aberto e tramitación anticipada do expediente de gasto, para a contratación dun servicio de mantemento da aplicación informática desenvolvida para a xestión das reclamacións de responsabilidade patrimonial, soporte ós seus usuarios, así como a administración do contorno de explotación no que se atopa implantada (S/25-2002).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 23 de xaneiro de 2002, da División de Recursos Económicos, pola que se anuncia concurso, polo procedemento aberto e tramitación anticipada do expediente de gasto, para a contratación dun servicio de mantemento da aplicación informática desenvolvida para a xestión das reclamacións de responsabilidade patrimonial, soporte ós seus usuarios, así como a administración do contorno de explotación no que se atopa implantada (S/25-2002).

Obxecto e orzamento: servicio de mantemento da aplicación informática desenvolvida para a xestión das reclamacións de responsabilidade patrimonial, soporte ós seus usuarios, así como a administración do contorno de explotación no que se atopa implantada, por un importe máximo de noventa e tres mil cento cincuenta e seis con oitenta e oito euros (93.156,88 euros) IVE incluído.

Solvencia económica, financeira e técnica: deberá acreditarse conforme o previsto no número 17 da folla de especificacións do prego de cláusulas administrativas particulares.

Clasificación económica: non se esixe.

Prazo de execución: dous anos desde a sinatura do contrato.

Documentos de interese para os licitadores: o prego de cláusulas administrativas particulares e demais documentación complementaria pódese solicitar na Consellería de Sanidade, División de Recursos Eco

nómicos, Subdirección Xeral de Contratación e Xestión Económica, edificio administrativo de San Lázaro s/n, 2ª planta, en días laborables desde as 9 ata as 14 horas.

Garantías: non se esixen.

Admisión de variantes: non se admiten.

Criterios de adxudicación: ver número 12 da folla de especificacións do prego de cláusulas administrativas particulares.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade/Sergas, antes das 14 horas do décimo quinto día natural, contado a partir do seguinte ó da publicación desta resolución no DOG, ou por correo na forma indicada no punto 5.2º do prego de cláusulas administrativas particulares.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas que a Consellería de Sanidade ten na 2ª planta, a partir das 9.30 horas do quinto día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.

Documentación que deberán entrega-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso serán por conta do adxudicatario.

Santiago de Compostela, 23 de xaneiro de 2002.

Antonio Fernández-Campa García-Bernardo

Director xeral da División de Recursos

Económicos