En cumprimento da legalidade vixente, anúnciase concurso público para a contratación de asistencia técnica para impartición de seminarios de difusión da utilización das novas tecnoloxías da información e servicios de posta á disposición, instalación e conexión a redes públicas de equipamento informático (C.P. 2/2002).

1. Entidade adxudicadora.

a) Organismo: Instituto Galego de Promoción Económica (Igape), barrio de San Lázaro s/n 15703 Santiago de Compostela, Teléfono 981 54 16 93, fax 981 54 10 92.

b) Número de expediente: C.P. nº 2/2002.

2. Obxecto do contrato: asistencia técnica para impartición de seminarios de difusión da utilización das novas tecnoloxías da información, co seguinte desagregamento en lotes:

Lote 1. Asistencia técnica para impartición dun máximo de 46 seminarios de difusión da utilización empresarial de novas tecnoloxías da información e as comunicacións.

Lote 2. Servicios de posta á disposición, instalación e conexión a redes públicas de equipamento informático necesario para a impartición dos seminarios obxecto do lote 1.

Prazo de execución: as datas definitivas de impartición de cada seminario serán establecidas polo Igape. A vixencia da contratación establécese nun máximo de 18 meses desde o inicio da execución, que determinará o Igape nun máximo de tres meses desde a sinatura do contrato. O contrato poderá ser prorrogado dentro dos límites vixentes na lexislación aplicable.

3. Tramitación, procedemento e forma de adxudicación: ordinaria, aberto, concurso público.

4. Orzamento máximo de licitación: 81.236 A, IVE incluído (oitenta e un mil douscentos trinta e seis euros), co seguinte desagregamento por lotes:

Lote 1. 31.280 A, IVE incluído (trinta e un mil douscentos oitenta euros), orzamentándose nun máximo de 680 A, IVE incluído (seiscentos oitenta euros), o custo de cada seminario.

Lote 2. 49.956 A, IVE incluído (corenta e nove mil novecentos cincuenta e seis euros), orzamentándose nun máximo de 1.086 A, IVE incluído (mil oitenta e seis euros) os servicios necesarios para cada un dos seminarios.

5. Garantía provisional: 2% do orzamento máximo de licitación do lote/s ós que se concorra.

6. Clasificación: non se esixe.

7. Obtención de documentación e información.

a) Entidade: Instituto Galego de Promoción Económica (Igape).

b) Domicilio: San Lázaro, s/n.

c) Localidade e código postal: Santiago de Compostela, 15703 A Coruña.

d) Teléfono: 981 54 16 93.

e) Telefax: 981 54 10 92.

Data límite de obtención de documentos e información: coincide coa data límite de presentación de ofertas.

8. Presentación das ofertas.

a) Data límite de presentación: o prazo de admisión finalizará ás catorce horas do décimo quinto día natural seguinte á publicación do anuncio de concurso no Diario Oficial de Galicia. De coincidir en sábado ou domingo, o prazo entenderase prorrogado ata as catorce horas do seguinte día hábil.

b) Documentación que hai presentar: a indicada no prego de cláusulas administrativas particulares.

c) Lugar de presentación: en sobre pechado e selado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciándolle ó órgano de contratación a remisión da oferta mediante telex ou telegrama, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de correos.

d) Prazo durante o cal o licitador estará obrigado a mante-la súa oferta: tres meses desde a apertura das ofertas.

9. Variantes: admítense variantes sobre:

Lote 1. Programas docentes, metodoloxía didáctica, duración dos programas e melloras técnicas propostas.

Lote 2. Equipamento proposto, estructura de acceso a Internet proposta e melloras técnicas propostas.

10. Apertura das ofertas: en acto público ás 12 horas do quinto día hábil seguinte ó termo do prazo de presentación de ofertas procederase á apertura da documentación administrativa e técnica. En acto público ás 12 horas do décimo día hábil seguinte ó termo do prazo de presentación de ofertas, procederase á apertura das ofertas económicas, na sede do Instituto Galego de Promoción Económica en Santiago de Compostela.

11. Gastos de anuncios: os gastos dos anuncios serán por conta dos adxudicatarios.

Santiago de Compostela, 27 de febreiro de 2002.

Margarita Rodríguez Rama

Directora xeral do Instituto Galego de Promoción

Económica