As bases reguladoras das axudas do Instituto Galego de Promoción Económica publicadas mediante resolucións da directora xeral do IGAPE do 13 de xullo de 2001 (Diario Oficial de Galicia nº 142, do 23 de xullo), para os programas de proxectos empresariais de investimento, reestructuración de empresas en crise, continuidade e mellora competitiva da peme galega, emprendedores e especia

lización laboral prevén a publicación anual da reserva de crédito dispoñible para cada exercicio orzamentario, unha vez aprobados os orzamentos do IGAPE.

Ante a imposibilidade de ter aprobada antes do 1 de xaneiro a Lei de orzamentos xerais do ano 2002, o Decreto 401/2001, do 28 de decembro, e a orde da Consellería de Economía e Facenda do 29 de decembro de 2001 que o desenvolve, dispuxeron a prórroga dos orzamentos xerais da Comunidade Autónoma de Galicia do ano 2001 ata o momento da aprobación e publicación no Diario Oficial de Galicia dos orzamentos para o 2002.

Da aplicación da citada normativa ós orzamentos do IGAPE, segundo o disposto no artigo 4 do Decreto

401/2001, resultan os créditos que para cada programa de axudas se reflicten na seguinte resolución.

Polo que antecede,

RESOLVO:

Facer públicas, de acordo cos importes que se relacionan no anexo, as reservas de crédito que para cada programa de axuda se derivan da prórroga dos

orzamentos xerais da Comunidade Autónoma de Galicia, do ano 2001, para o ano 2002, ata a aprobación e publicación oficial dos orzamentos para o exercicio 2002.

Santiago de Compostela, 13 de marzo de 2002.

Margarita Rodríguez Rama

Directora xeral do Instituto Galego

de Promoción Económica

ANEXO

Importes bases orzamento prorrogado