Visto o expediente da revisión salarial do convenio colectivo da empresa Gestión y Técnicas del Agua, S.A. (servicio de augas do concello de Noia), que tivo entrada nesta delegación provincial o día 2-5-2002, subscrito en representación da parte económica pola empresa, e da parte social polos delegados de persoal, o día 1-2-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunicade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscripción no libro rexistro de convenios colectivos de traballo, existente

nesta delegación provincial, e notificación ás representacións económica e social da comisión negociadora.

Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 3 de maio de 2002.

P.S. (Decreto 147/2002, do 11 de abril)

Ana Lado Eiriz

Secretaria provincial da Coruña

En Noia, ás trece horas do día un de febreiro de dous mil dous, reúnese a comisión mixta do convenio colectivo de Gestión y Técnicas de Agua, S.A., para as actividades do denominado ciclo integral da auga do centro de traballo de Noia.

Dunha parte, José Luis Vázquez Leis, Celestino Trillo Blanco e Juan Carlos Agraso Castro, na súa calidade de representantes dos traballadores do centro de traballo de Noia.

E doutra parte, Antonio Pérez Morales, en nome e representación de Gestagua, S.A.

ACORDAN:

Primeiro.-Ámbalas partes se recoñecen capacidade e lexitimidade suficientes para fixaren as novas táboas salariais para o ano 2002 do convenio colectivo anteriormente citado.

Segundo.-Aproba-la táboa salarial anexa a esta acta, unha vez efectuada a suba salarial para o ano 2002. Para establecela, partiuse da táboa do ano 2001, máis o incremento establecido no artigo 26 do sinalado convenio para este ano.

A suba salarial aplicarase con efectos do 1 de xaneiro de 2002.

Terceiro.-As partes remitirán esta acta, así como o seu anexo, á consellería de Industria e Traballo da Xunta de Galicia, para os efectos legais oportunos.

Representantes dos traballadoresRepresentante da empresa

ANEXO

Outros conceptos retributivos

Complemento de dispoñibilidade/gardas: 98,56 euros/semana.

Axudas de custo:

Axuda de custo por comida ou cea: 9,25 euros.

Axuda de custo por aloxamento e almorzo: 36,96 euros.

Quilómetros: 0,20 euros.