Aprobado polo Pleno da Corporación, na sesión celebrada o día 29 de abril de 2002 o expediente de adaptación de escudo heráldico e da bandeira municipal, logo de proposta elaborada ó respecto pola comisión de heráldica, nos seguintes termos:
«Escudo:
De azul (azul), sobre ondas de prata (branco) e azul, a ponte de ouro (amarelo), sumado dun aguia da mesma cor, picada e armada de gules (vermello). Ó timbre, coroa real pechada.
Bandeira:
Partida ó medio. De azul, coa aguia de amarelo, á hasta, e de amarelo ó batente».
De conformidade co disposto no Decreto 258/1992, do 10 de setembro, sométese ó trámite de información pública polo prazo dun mes mediante anuncio no Diario Oficial de Galicia e no taboleiro de edictos do concello para os efectos de que os interesados poidan formular reclamacións.
Rábade, 2 de maio de 2002.
Francisco Xosé Fernández Montes
Alcalde