A Orde do 28 de febreiro de 2002 (DOG do 6 de marzo) pola que se convocan axudas de apoio á formación e actualización do profesorado universitario prevé, respectivamente, nos seus anexos I, II e III, a concesión de bolsas para actualización do profesorado respecto da materia que imparten, axudas para a formación de profesores en novas titulacións ou materias e axudas para o financiamento de estadías de profesores visitantes.

Na súa virtude, de acordo co establecido nas bases da convocatoria, e atendendo o informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles unha bolsa para actualización do profesorado respecto da materia que imparten ás persoas que se relacionan no anexo I a esta orde, para realizar unha estadía no centro que se sinala, polo tempo que se especifica e na contía que se indica.

Segundo.-Concederlles unha axuda para a formación de profesores en novas titulacións ou materias ás persoas que se relaciona no anexo II a esta orde, para realizar unha estadía no centro que se sinala, polo tempo que se especifica e na contía que se indica.

Terceiro.-Concederlles ás universidades unha axuda para o financiamento de estadías dos profesores visitantes que se relacionan no anexo III a esta orde e pola contía que se indica en cada caso.

Cuarto.-O pagamento das bolsas ás que se refiren os puntos primeiro, segundo e terceiro farase de acordo co establecido nas respectivas bases da convocatoria, é dicir, un primeiro pagamento do 80% farase no momento da concesión e un segundo pagamento do 20% restante no momento da completa xustificación por parte do beneficiario do cumprimento da finalidade e condicións da axuda.

Nos 10 días seguintes ó remate do período da estadía, deberán xustificar esta coa presentación da documentación que se sinala na orde de convocatoria.

Quinto.-O incumprimento por parte dos beneficiarios de calquera das bases establecidas na orde da convocatoria do 28 de febreiro de 2002 suporá a perda do dereito a percibi-la subvención correspondente.

Sexto.-Contra esta resolución, que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ó da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 13 de xuño de 2002.

Celso Currás Fernández

Conselleiro de Educación e Ordenación Universitaria

ANEXO I

Profesores ós que se lles conceden bolsas para actualización do profesorado respecto da materia que imparten

ANEXO II

Profesores ós que se lles conceden bolsas para actualización do profesorado en novas titulacións ou materias

Solicitantes ós que non se lles conceden bolsas

por terse beneficiado destas axudas en dúas ocasións

ou máis con anterioridade

Solicitantes excluídos coas causas de exclusión

ANEXO III

Axudas para financiar estadías de profesores visitantes

Universidade de Santiago de Compostela

Universidade da Coruña

Universidade de Vigo