A entidade financeira Caixanova ofrece a doazón ó Servicio Galego de Saúde duns equipos informáticos con destino ó Hospital Comarcal de Valdeorras.
Conforme ó artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde e logo de deliberación do Consello da Xunta de Galicia na súa reunión do día seis de xuño de dous mil dous,
DISPOÑO:
Artigo 1º
Acepta-la doazón do seguinte material:
-Dous ordenadores, marca ASUS, modelo L8400, cun valor de 2.163,64 A cada un, doados pola entidade financeira Caixanova.
-Dous ordenadores, marca TAY (CLÓNICO), modelo REDDIS, cun valor de 986,35 euros cada un, doados pola entidade financeira Caixanova.
Artigo 2º
Os activos acéptanse segundo o establecido na normativa en materia patrimonial da Comunidade Autónoma e destinaranse ó Hospital Comarcal de Valdeorras, de acordo coa vontade do doante.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, seis de xuño de dous mil dous.
Manuel Fraga Iribarne
Presidente
José María Hernández Cochón
Conselleiro de Sanidade