Por Orde do 18 de xuño de 2002 (DOG nº 119, do 21 de xuño) convocouse o proceso de provisión para cubrir postos vacantes reservados ó persoal laboral nas relacións de postos de traballo polo sistema de concurso de traslados.
De conformidade co establecido no artigo 7.2.a.2 do IV convenio colectivo único para o persoal laboral da Xunta de Galicia
DISPOÑO:
Primeiro.-Modifica-la Orde do 18 de xuño de 2002 pola que se ordena a publicación da convocatoria de provisión dos postos de traballo de persoal laboral da Xunta de Galicia, no sentido de eliminar da relación de prazas do seu anexo II a praza co número de orde 1772 (AS.C99.40.302.36001.110).
Segundo.-Como consecuencia desta modificación, amplíase o prazo de presentación de solicitudes para quen xa a presentara para o posto que se elimina, que coincidirá co último día dos 15 naturais contados a partir do seguinte ó da publicación desta orde no Diario Oficial de Galicia, para os efectos de incluír na súa petición, se así o estima oportuno, algún outro posto en lugar do suprimido.
Terceiro.-Contra esta orde, que pon fin á vía administrativa, poderase interpoñer reclamación administrativa previa perante o conselleiro da Presidencia, Relacións Institucionais e Administracións Pública, no prazo dun mes contado a partir do día seguinte ó da publicación desta orde no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común e demais disposicións concordantes.
Santiago de Compostela, 10 de xullo de 2002.
Jaime Pita Varela
Conselleiro da Presidencia, Relacións
Institucionais e Administración Pública