Polo Decreto 220/2002, do 6 de xuño (DOG nº 125, do 1 de xullo), desafectouse o ben inmoble que integra o denominado Centro de Lousas de Galicia.
Unha vez obtida a inscrición no correspondente Rexistro da Propiedade do dito ben a nome da Comunidade Autónoma de Galicia, procede declara-la súa alleabilidade de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilita-lo tráfico deste ben patrimonial.
En virtude do anteriormente exposto, tendo en conta a proposta da Secretaría Xeral e do Patrimonio, e logo do informe da Consellería de Industria e Comercio,
DISPOÑO:
Artigo único.
Declárase a alleabilidade do ben inmoble que se describe a continuación:
Edificio de planta baixa e alta de 791,09 e 537,23 m, respectivamente, construídos sobre soar de 2.556,3 m de superficie, no lugar de Candís, municipio do Barco de Valdeorras (Ourense). Estrema: norte, resto do predio matriz propiedade do Concello de Carballeda de Valdeorras; sur, camiño; leste, valo de cerramento do colexio de ensino e resto do predio matriz; e oeste, montes propiedade dos veciños de Millaroso.
O predio está inscrito no Rexistro da Propiedade do Barco de Valdeorras no tomo 457, libro 130, folio 189, predio nº 16.902, inscrición 2ª.
Santiago de Compostela, 3 de xullo de 2002.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda