Convocadas probas selectivas para ingreso na escala auxiliar desta universidade por Resolución do 10 de xuño de 2002 (DOG do 2 de xullo) e concorrendo na presidenta suplente do tribunal Marta Mª García Pérez, secretaria xeral da universidade, circunstancias derivadas do exercicio do seu cargo que imposibilitan a súa actuación,

Este rectorado, no uso das competencias que lle atribúe o artigo 65 dos estatutos desta universidade, aprobados polo decreto da Xunta de Galicia 253/1992, do 10 de setembro (DOG do 17 de setembro), modificados polo Decreto 245/1998, do 30 de xullo (DOG do 28 de agosto), resolve modifica-la composición do citado tribunal designando como presidente suplente a Alejandro Pazos Sierra, vicerrector de Investigación.

A Coruña, 28 de outubro de 2002.

José Luis Meilán Gil

Rector da Universidade da Coruña