Para previ-los riscos que para a saúde dos administrados púidese supoñe-lo consumo do meixón (Anguilla anguilla), pola acción dos vertidos de fuel-oil procedentes do buque Prestige, este centro directivo, de acordo co previsto no artigo 48 do Regulamento de ordenación da pesca fluvial e dos ecosistemas acuáticos continentais, aprobado polo Decreto 130/1997, do 14 de maio, acorda a suspensión temporal da actividade extractiva desta especie nas zonas de desembocadura das provincias da Coruña, Lugo e Pontevedra, mentres non se derrogue esta prohibición.
Santiago de Compostela, 3 de decembro de 2002.
Francisco García-Bobadilla Prósper
Director xeral de Conservación da Natureza