Aprobado inicialmente, pola Comisión Municipal de Goberno do Concello de Cangas, con data do 16 de xaneiro de 2003, o proxecto de urbanización da unidade de actuación nº 2, redactado por José Díaz de la Iglesia, sométese a información pública, por un período dun mes para efectos de reclamacións, contados a partir do día seguinte ó da súa publicación no Diario Oficial de Galicia, de conformidade co sinalado polo artigo 86.1º a) da Lei 9/2002, do 30 de decembro, de ordenación urbanística e protección do medio rural de Galicia, servindo o anuncio de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios interesados directamente afectados que, por resultaren descoñecidos ou por se ignora-lo seu enderezo, non poidan ser notificados persoalmente, entendéndose definitivamente aprobado se non se presentan reclamacións.

Cangas, 16 de xaneiro de 2003.

José Enrique Sotelo Villar

Alcalde