Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Bantundeira, 2, Velle, 32960 Ourense.

Denominación: L.M.T., C.T., R.B.T., Parada de Ventosa.

Situación: Muíños.

Descricións técnicas: modificación do C.T. en caseta existente en Parada de Ventosa, ó que se lle instala un trafo de 50 kVA, R/T 20.000/380-220 V. Redes de baixa tensión con 726 m de lonxitude, derivadas do citado C.T.

Cumpridos os trámites ordenados na Lei 54/1997, do 27 de novembro, e no capítulo II do R.D. 1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 5 de febreiro de 2003.

Ramón Fernández-Linares Bouza

Delegado provincial de Ourense