A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-lo concurso que a seguir se cita:
1. Entidade adxudicadora.
a) Organismo: Consellería de Cultura, Comunicación Social e Turismo.
b) Dependencia que tramita o expediente: Secretaría Xeral.
2. Obxecto do contrato.
a) Tipo de contrato: servicio.
b) Descrición do obxecto: transporte de obras de arte da exposición De Fisterra a Xerusalén. Exeria e os primeiros peregrinos cristiáns no Museo das Peregrinacións en Santiago de Compostela.
c) Prazo de execución: tres meses e medio.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma de adxudicación: concurso público.
4. Orzamento base de licitación.
Importe total: noventa e cinco mil euros (95.000 A), IVE incluído.
5. Garantías.
a) Provisional: non se esixe.
b) Definitiva: 4% do importe de adxudicación.
6. Obtención de documentación e información: o prego de cláusulas administrativas particulares e o prego de prescricións técnicas poderán ser examinados no Servicio de Obras e Contratación (teléfono
981 54 48 23) da Secretaría Xeral da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, desde as 9 ás 14 horas, e solicitarse no teléfono 981 58 89 38.
Tamén se poderán obte-los pregos relativos a esta contratación no seguinte enderezo da Internet:
http://www.xunta.es/contratacion/resultado.asp?N=2302
7. Requisitos específicos do contratista.
a) Solvencia económica: informe emitido por unha institución financeira.
b) Solvencia técnica: relación dos principais servicios realizados durante os tres últimos anos similares ó obxecto deste contrato.
8. Presentación de ofertas.
a) Data límite de presentación: antes das 14 horas do décimo quinto día natural a partir do seguinte ó da publicación desta resolución no DOG.
b) Documentación que hai que presentar: a esixida na cláusula 6 do prego de cláusulas administrativas particulares.
c) Lugar de presentación de proposicións: efectuarase no rexistro xeral da Consellería de Cultura, Comunicación Social e Turismo, en sobres pechados das 9 ás 14 horas. Se as proposicións se cursan por correo, haberá que aterse ó previsto na cláusula 6.1. do prego de cláusulas administrativas particulares.
d) Admisión de variantes: non se admiten.
9. Apertura das proposicións.
a) Entidade: Consellería de Cultura, Comunicación Social e Turismo (sala de xuntas); San Caetano s/n, Santiago de Compostela.
b) Data e hora: a partir das 11 horas do oitavo día natural seguinte ó do remate do prazo de admisión de proposicións. No caso de que coincida en sábado ou festivo, a apertura realizarase o día hábil seguinte.
10. Gastos do anuncio: por conta do adxudicatario.
Santiago de Compostela, 17 de marzo de 2003.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo
