O Pleno do Concello, en sesión celebrada o día 25 de abril de 2003, aprobou definitivamente o estudio de detalle para o sinalamento de aliñacións nunha parcela situada na rúa Cristo, promovido polo Xuncal, S.L. e redactado pola arquitecta Xulia Cortizas Díaz, con data 17 de febreiro de 2003.

En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publícase o presente anuncio e remitirase á Consellería de Política Territorial, Obras Públicas e Vivenda copia autenticada do expediente e dous exemplares do instrumento aprobado definitivamente, debidamente dilixenciados polo secretario do concello.

Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio.

Mugardos, 28 de abril de 2003.

Ramón Toimil Saavedra

Alcalde