Por providencia da Sala do Contencioso-Administrativo, Sección Terceira, do Tribunal Superior de Xustiza de Galicia, reclámase o expediente administrativo relativo ó recurso contencioso-administrativo número 0007257/2003 interposto por José Fernández Insua e outros particulares contra o Decreto 365/2002, do 19 de decembro, polo que se declara, en concreto, a utilidade pública e interese social e se dispón a urxente ocupación dos bens e dereitos afectados pola ampliación do depósito de lamas vermellas da factoría de Alúmina Española, S.A. en San Cibrao-Xove (Lugo).

En consecuencia, de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, esta consellería acordou a remisión do reclamado expediente administrativo ó devandito tribunal, o que se notifica para xeral coñecemento de tódalas persoas interesadas nel e son emprazadas para que poidan comparecer como demandados no prazo de nove días perante a Sala do Contencioso-Administrativo, Sección Terceira deste Tribunal Superior de Xustiza de Galicia.

Santiago de Compostela, 23 de xuño de 2003.

José Luis Díez Yáñez

Director xeral de Calidade e Avaliación Ambiental