A Comisión Municipal de Goberno, en sesión con data do 9 de xuño de 2003, acordou aprobar inicialmente o Plan parcial de ordenación da Tomada-Carril, promovido por Inmobiliaria Castriño, S.L. e redactado polo enxeñeiro de camiños Benito Fernández González.
Durante o prazo dun mes, contado a partir do día seguinte ó da publicación deste anuncio no Diario Oficial de Galicia, estará exposto ó público o expediente, podendo os interesados examinalo no Departamento de Urbanismo do Concello e presentar alegacións ou reclamacións dentro do mesmo prazo, de conformidade co establecido no artigo 42.1º da Lei 1/1997, do solo de Galicia.
Vilagarcía de Arousa, 16 de xuño de 2003.
Joaquín Javier Gago López
Alcalde