1. Autorización administrativa e estudio ambiental.

En cumprimento do disposto no Decreto 442/1990, do 13 de setembro, de avaliación do impacto ambiental para Galicia, Lei 6/2001, do 8 de maio, de modificación do Real decreto lexislativo 1302/1986, do 28 de xuño, de avaliación de impacto ambiental, para os efectos previstos na Lei 54/1997, do 27 de novembro, do sector eléctrico (BOE nº 285, do 28 de novembro) e no Real decreto 1955/2000, do 1 de decembro, sobre autorizacións de instalacións de enerxía eléctrica (BOE nº 310, do 27 de decembro), sométese a información pública a petición de autorización administrativa, aprobación do proxecto de execución e estudio ambiental para o trazado das liñas eléctricas de referencia, que contan coas características técnicas que se relatan a continuación:

a) Peticionario: Electra de Viesgo I, S.A.

b) Finalidade: interconexión eléctrica das subestacións eléctricas dos parques eólicos Pena Grande, Lomba e Leboreiro para evacuación da enerxía xerada nos parques eólicos da zona.

c) Características técnicas principais:

-Liña eléctrica aérea de alta tensión a 132 kV de 10.568 metros de lonxitude (tramo comprendido desde a subestación de Pena Grande ata a subestación de Lomba), composta por dous circuítos con dous conductores por fase LA-280 e cable de terra OPGW sobre apoios metálicos de celosía.

-Liña eléctrica aérea de alta tensión a 132 kV de 1.002 metros de lonxitude (tramo comprendido desde a subestación de Leboreiro ata a liña eléctrica subestación Pena Grande-subestación Lomba), composta por un circuíto cun conductor por fase LA-280

e cable de terra OPGW sobre apoios metálicos de celosía.

2. Urxente ocupación.

O beneficiario, ó amparo do título IX da Lei 54/1997, do 27 de novembro, do sector eléctrico, solicita, así mesmo, a declaración de utilidade pública das intalacións incluídas neste proxecto que, segundo o sinalado no artigo 54 da devandita lei, levará implícito en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, a presente resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997, e no capítulo V do título VII do Real decreto 1955/2000, do 1 de decembro, sobre autorizacións de instalacións de enerxía eléctrica.

3. Alegacións.

O que se fai público para que poida examinarse o proxecto de instalacións nesta delegación provincial (edificio administrativo, Ronda da Muralla, 70, Lugo) e formula-las reclamacións, por duplicado, que se consideren oportunas durante o prazo de trinta días. Igualmente, poderanse corrixi-los erros que se encontren ó relaciona-los bens afectados ata o mesmo momento do levantamento das actas previas.

Así mesmo, o estudio de impacto ambiental correspondente ás instalacións da L.A.T. 132 kV D/C subestación eléctrica Pena Grande-subestación eléctrica Lomba, poderase examinar nas dependencias da Dirección Xeral de Calidade e Avaliación Ambiental, Delegación Provincial da Consellería de Innovación, Industria e Comercio de Lugo, Delegación Provincial da Consellería de Medio Ambiente en Lugo e no Concello de Muras, podendo presentarse cantas alegacións se consideren pertinentes ante esta Delegación Provincial da Consellería de Innovación, Industria e Comercio de Lugo, dentro do mesmo prazo sinalado no parágrafo anterior. Finalizado o devandito prazo, o expediente, xunto coas alegacións recibidas, remitiranse á Dirección Xeral de Calidade e Avaliación Ambiental.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 14 de xullo de 2003.

Jesús Bendaña Suárez

Delegado provincial de Lugo

ANEXO

Relación de propietarios, bens e dereitos afectados pendentes de acordo

Liña: L.A.T. 132 kV D/C sub. Penagrande-sub. Lomba.

Provincia: Lugo.

Concello: Muras.

Liña: L.A.T. 132 kV S/C sub. Leboreiro-apoio nº 25 L.A.T. 132 kV D/C sub. Penagrande-sub. Lomba.

Provincia: Lugo.

Concello: Muras.

CONSELLERÍA DE CULTURA, COMUNICACIÓN SOCIAL

E TURISMO