De conformidade co disposto no artigo 59.4º da Lei 30/1992, do 26 de novembro, de réximen xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-la proposta de resolución do procedemento sancionador que se instrúe por infracción da Lei 7/1992, de pesca fluvial.

O pagamento voluntario porá fin ó expediente. De non efectualo voluntariamente, o interesado dispón dun prazo de quince (15) días, contados a partir do seguinte ó da publicación desta notificación, para formular cantas alegacións coide pertinentes. O que se lle comunica de acordo coa normativa antes citada, así como co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto) e no Decreto 14/2002, do 24 de xaneiro (DOG do 6 de febreiro), polo que se establece a estructura orgánica da Consellería de Medio Ambiente.

Lugo, 11 de xuño de 2003.

Luis González Vázquez

Delegado provincial de Lugo

ANEXO

Expediente: nº P-8/2003.

Denunciado: Juan Farncisco Seijas Leiva.

DNI: 33336893-A.

Enderezo: avda. da Coruña, nº 141-4º esq., Lugo.

Feito denunciado: practica-lo deporte da pesca sendo titular da preceptiva licencia en vigor aínda que non a levaba consigo. Feitos constatados o día 15-2-2003, ás 18.15 horas no río Miño, lugar de Acea do Vilar, Lugo.

Precepto sancionador: artigo 33.1º da Lei 7/1992, de pesca fluvial de Galicia.

Cualificación da sanción: leve.

Sanción: 30,05 euros.