1. Entidade adxudicadora: Servicio Galego de Saúde, División de Recursos Económicos, Subdirección Xeral de Orzamentos, edificio administrativo San Lázaro, 2ª planta. Teléfono 981 54 27 78, fax 981 54 27 62. Santiago de Compostela.

2. Obxecto do contrato: a contratación de servicios de transporte sanitario para altas hospitalarias, urxencias non ingresadas e traslados intercentros do Complexo Hospitalario de Ourense.

3. Tramitación, procedemento e forma de adxudicación: concurso polo procedemento aberto.

4. Orzamento base de licitación: importe máximo previsto de novecentos vinteún mil trescentos cincuenta euros (921.350 euros).

5. Fianzas e garantías: garantía definitiva por importe de trinta e seis mil oitocentos cincuenta euros (36.850 euros).

6. Documentos de interese para os licitadores: os pregos de cláusulas administrativas particulares e prescricións técnicas pódense solicitar na División de Recursos Económicos (Servicio de Xestión de

Concertos e Recursos Propios), edificio administrativo San Lázaro, 2ª planta, Santiago de Compostela, en días laborables desde as 9.00 ata as 14.00 horas.

7. Solvencia económico-financeira e técnica: acredítanse conforme o establecido nos puntos 10 e 11 da folla de especificacións do prego de cláusulas administrativas particulares.

8. Criterios de adxudicación: os establecidos no punto 9 da folla de especificacións do prego de cláusulas administrativas particulares.

9. a) Prazo e lugar de presentación das proposicións: as proposicións presentaranse antes das 14.00 horas do décimo quinto día natural a partir do seguinte ó da publicación desta resolución no DOG e segundo establece o punto 5.2 do prego de cláusulas administrativas particulares.

b) Documentación que deberán presenta-los licitadores: os documentos que figuran no prego de cláusulas administrativas particulares e na forma que nel se sinala.

10. Data de apertura das proposicións: a apertura das proposicións admitidas será realizada pola mesa de contratación reunida en acto público na sala de xuntas 2-1 do Sergas (2ª planta), a partir das 9.30 horas do sétimo día natural, contado a partir do seguinte a aquel no que finalice o prazo de presentación de ofertas; no caso no de que o dito día coincida en sábado ou festivo, a apertura das proposicións terá lugar o seguinte día hábil.

11. Anuncios: os anuncios deste concurso serán por conta do adxudicatario do contrato.

Santiago de Compostela, 1 de setembro de 2003.

Antonio Fernández-Campa García-Bernardo

Director xeral da División de Recursos

Económicos