A Comisión de Goberno, en sesión do vinteoito de xullo de dous mil tres, acordou prestar aprobación á modificación do proxecto de urbanización da unidade de actuación nº 29 do PXOU, Ponte Bolera, avda. da Estación, promovido por José García Blanco, Carlos Romero García e Valentín González Dacal, e aprobado definitivamente por acordo da Comisión de Goberno do 31-1-2001, autorizándose as modificacións, recollidas no proxecto que modifica e complementa ó de urbanización da unidade de actuación nº 29, redactado polos arquitectos Ricardo Aguilar Argenti e Enrique Barreiro Álvarez, con visado colexial do 13-3-2003, así como anexo á memoria e planos nº 2 e 8, da mesmo autoría e visado colexial do 1-4-2003, que anulan e substitúen os correlativos do proxecto, documentación toda ela que substitúe a documentción que serviu de base ó proxecto de urbanización definitivamente aprobado, suxeitándo

se este acto administrativo a idénticas condicións que as establecidas no acordo do 31-1-2001, e constando no expediente a ratificación da presentación do proxecto de modificación por parte do consello rector da unidade de actuación nº 29.

O que se fai público para a súa executividade, significándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados coiden procedente consonte dereito.

Pontevedra, 25 de agosto de 2003.

P.D.

Xosé Cesáreo Mosquera Lorenzo

Tenente-alcalde delegado da Área de Urbanismo e Medio Ambiente

Adolfo Castro Pérez

Secretario accidental