A orde desta consellería do 20 de maio de 2002 estableceu as bases reguladoras do programa de leite escolar nesta Comunidade Autónoma, para a concesión das axudas para a subministración ós alumnos de centros escolares dos productos lácteos transformados, de conformidade co establecido nos regulamentos (CE) número 1255/1999, do Consello, e 2707/2000, da Comisión, así como no Real decreto 194/2002, do 15 de febreiro, sobre as modalidades de aplicación no Estado español do establecido nesa normativa comunitaria.

No artigo 4.4º da devandita orde prevese que, para cada curso escolar, poderá variarse o prezo máximo a paga-lo alumno para os diferentes productos subvencionables, de acordo co custo medio da materia prima e as modificacións que, se é o caso, se produzan na contía da axuda e, conforme a dita previsión, a orde desta consellería do 9 de outubro de 2002 (DOG nº 211, do 31 de outubro) actualizou os prezos máximos para o curso escolar 2002-2003.

Dándose, neste momento, as circunstancias do inicio do novo curso escolar 2003-2004 e do incremento do custo do leite e determinados productos lácteos, faise necesario axusta-lo prezo máximo dos diferentes productos subvencionables á situación actual.

Segundo a Lei 7/1994, do 29 de decembro, de creación do Fondo Galego de Garantía Agraria (Fogga), conforme a denominación actual establecida pola Lei 7/2002, do 27 de decembro, e o Decreto 128/1996, do 14 de marzo, que a desenvolve, así como o Decreto 50/2002, do 14 de febreiro, da súa estructura orgánica, modificado polo 161/2003, do 13 de febreiro, correspóndelle a este organismo, entre outras funcións, a concesión das axudas comunitarias para a subministración de determinados productos lácteos ós alumnos de centros escolares, dentro da organización común de mercados do leite e productos lácteos.

Polo tanto, de acordo co disposto no artigo 30.1.3 do Estatuto de autonomía de Galicia, e en uso das facultades que me confire a Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, e o Decreto 50/2002, do 14 de febreiro, polo que se establece a estructura orgánica da Consellería de Política Agroalimentaria e Desenvolvemento Rural e do Fogga, modificado polo Decreto 161/2003, do 13 de febreiro,

DISPOÑO:

Artigo único.

Para o curso escolar 2003-2004, os prezos máximos que debe paga-lo alumno polos productos esta

blecidos no anexo I da orde desta consellería do 30 de maio de 2002, pola que se establecen as bases reguladoras para a concesión das axudas ós alumnos de centros escolares para o consumo de leite e determinados productos lácteos, serán os indicados no anexo desta orde.

Disposicións derradeiras

Primeira.-Facúltase o director do Fondo Galego de Garantía Agraria para dicta-las instruccións necesarias para o desenvolvemento e execución desta orde.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 2 de outubro de 2003.

Juan Miguel Diz Guedes

Conselleiro de Política Agroalimentaria

e Desenvolvemento Rural

ANEXO

Programa de leite escolar

Prezos máximos que pagarán os alumnos

nos centros escolares

Os prezos virán expresados en euros/quilogramo sumando o IVE vixente e descontada a axuda prevista no Regulamento (CE) 2707/2000.

No caso de que os productos subministrados se expresen en litros, o prezo deberase definir por quilogramo, para o que se empregarán as conversións regulamentarias.

CONSELLERÍA DE XUSTIZA, INTERIOR E ADMINISTRACIÓN

LOCAL