Pola Comisión Municipal de Goberno, en sesión que tivo lugar o día 9 de setembro de 2003, acordouse presentar aprobación ó prego de cláusulas administrativas particulares que rexerá a contratación, polo sistema de concurso, en procedemento aberto, para subministración a este concello dunha máquina varredora, por un orzamento total de 120.202,42 euros, e sometelo á exposición pública na secretaría xeral do concello (praza do Concello nº 1), de 9.00 a 14.00 horas, durante o prazo de 26 días naturais contados desde a publicación do presente anuncio no BOP ou no DOG, co fin de que os interesados poidan examinalo e presenta-las alegacións que consideren oportunas.

Ó mesmo tempo, anúnciase o concurso para a adxudicación da mencionada subministración, durante o mesmo prazo, se ben a licitación quedará aprazada en caso de que se presentasen reclamacións contra o modelo de prego de referencia.

Obxecto da licitación: a subministración mediante concurso en procedemento aberto dunha máquina varredora para este concello, cun orzamento de contrata de 120.202,42 euros (IVE incluído).

Tipo de licitación máximo: coincidirá co orzamento de contrata (IVE incluído), podendo ser mellorado á baixa.

Fianzas: a fianza provisional establécese no 2% do orzamento de contrata e a definitiva será do 4% do prezo de adxudicación.

Presentación de proposicións: na secretaría xeral do concello, de 9.00 a 14.00 horas, durante o prazo de 26 días naturais, contado desde a publicación do presente anuncio no BOP ou DOG.

Apertura de proposicións: farase na casa do concello, ás 13.00 horas do décimo día hábil seguinte ó de remate de presentación de proposicións. Se coincide en sábado trasladarase ó primeiro día hábil seguinte.

Exposición del expediente: o prego de cláusulas administrativas e o resto da documentación do expediente poderase examinar na secretaría xeral do concello en horas de oficina.

Modelo de proposicións: os licitadores formularán as súas ofertas axustándose ó modelo recollido no anexo do prego de condicións.

Mondoñedo, 17 de setembro de 2003.

Luis Rego Valcarce

Alcalde