A Comisión de Goberno, na sesión ordinaria que tivo lugar o día 2 de outubro de 2003, aprobou inicialmente o estudio de detalle en SU-3 entre a rúa Doutor Martínez Rodríguez e a antiga estrada da circunvalación, promovido por iniciativa particular por Aurora García Bernardez, o cal queda sometido

a información pública polo prazo de vinte días, contados a partires da publicación deste anuncio no DOG, en cumprimento do disposto no artigo 86.2º da Lei 9/2002, do 30 de decembro, de ordenación urbanística e protección do medio rural de Galicia.

Durante o devandito prazo as persoas interesadas poderán examina-lo seu contido comparecendo nas oficinas do concello de 9.00 a 13.00 horas e formula-las reclamacións e alegacións que consideren pertinentes.

Ó mesmo tempo e ante a eventualidade de que poidan existir interesados descoñecidos neste procedemento, se ignore o lugar de notificación dalgún ou, intentada esta, non se puidese practicar, sirva este anuncio de notificación, coa finalidade e alcance que se consideran no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

As Neves, 7 de outubro de 2003.

Raúl Emilio Castro Rodríguez

Alcalde-presidente