En cumprimento do disposto no artigo 93 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, dispoño a publicación da adxudicación do seguinte contrato de servicio:

1. Entidade adxudicadora.

a) Organismo: Parlamento de Galicia.

b) Dependencia que tramita o expediente: Oficialía Maior.

c) Número de expediente: 9/2003.

2. Obxecto do contrato.

a) Tipo de contrato: privado de seguros.

b) Descrición do obxecto: adxudicación, mediante concurso público, do contrato privado de seguro de vida e accidentes dos deputados e do persoal ó servicio do Parlamento de Galicia.

c) Lotes: único.

d) Boletín ou diario oficial e data de publicación do anuncio de licitación: Diario Oficial de Galicia nº 179, do 16 de setembro de 2003.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación: 210.354,24 euros, IVE incluído. O prezo será obxecto de revisión anual de acordo coas idades dos asegurados, e os licitadores deberán incluír nas súas ofertas as tarifas de revisión que se aplicarán anualmente.

5. Adxudicación.

a) Data: 20 de outubro de 2003.

b) Contratista: Previsión Española de Seguros y Reaseguros, S.A.

c) Nacionalidade: española.

d) Importe da adxudicación: 188.859,63 euros, IVE incluído.

Santiago de Compostela, 12 de novembro de 2003.

José María García Leira

Presidente