A Lei 27/1992, do 24 de novembro, de portos do Estado e a mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado sitas no seu territorio.

O acordo do Consello da Xunta de Galicia do 10 de xaneiro de 2002, modificado polo do 6 de xuño de 2002, faculta o conselleiro de Política Territorial, Obras Públicas e Vivenda para o exercicio das devanditas competencias.

Conforme o previsto no artigo 40 Lei 27/1992, do 24 de novembro, de portos do Estado e mariña mercante, texto reformado pola Lei 62/1997, do 26 de decembro, a designación e separación de vocais dos consellos de administración deberá facerse necesariamente por proposta das administracións públicas e entidades e organismos representados no Consello de Administración, polo que, vistas as peticións e propostas de modificación realizadas ó abeiro do disposto no artigo 40, número 2, da Lei 27/1992, polas distintas administracións públicas, entidades e organismos, e, en canto órgano competente

DISPOÑO:

O cesamento dos seguintes vocais do Consello de Administración das Autoridades Portuarias e en representación das administracións, entidades e organismos que a seguir se relacionan, agradecéndolle-los servicios prestados:

Autoridade portuaria de San Cibrao-Ferrol e a súa ría.

1. En representación da Administración xeral do Estado: Jorge Andrade Couce.

Autoridade portuaria de Vilagarcía de Arousa e a súa ría.

1. En representación da Administración xeral do Estado: José Luis Baña Mouzo.

Autoridade portuaria de Marín e ría de Pontevedra.

1. En representación da organización sindical máis representativa no porto (UGT): Ignacio Pérez Calzado.

Santiago de Compostela, 28 de novembro de 2003.

Alberto Núñez Feijoo

Conselleiro de Política Territorial, Obras Públicas

e Vivenda

CONSELLERÍA DE POLÍTICA TERRITORIAL, OBRAS PÚBLICAS

E VIVENDA