Mediante Resolución do 25 de marzo de 2003 fíxose público o contido do convenio de colaboración entre o Igape e a Consellería de Cultura, Comunicación Social e Turismo para a posta en marcha de medidas de apoio e incentivo á modernización de establecementos de hostalería en determinadas zonas da Costa da Morte especialmente afectadas pola catástrofe do petroleiro Prestige (DOG nº 63, do 31 de marzo).

Revisado o texto deste convenio e salvo as peculiaridades establecidas nel, a presentación das soli

citudes, tramitación dos expedientes, recursos, obrigas dos beneficiarios, incidencias no proxecto, xustificación, aboamento das subvencións, incumprimento, incompatibilidades, control das axudas, restriccións ó dereito ó acceso a arquivos e rexistros e sentido do silencio administrativo seguirán a regulación establecida nas bases 8ª á 23ª reguladoras das axudas do Igape para a continuidade e mellora competitiva da PEME galega (DOG nº 142, do 23 de xullo).

No texto destas bases reguladoras, en concreto no anexo V (solicitude de cobramento), especifícase a necesidade de acredita-lo pagamento das actuacións subvencionadas a través de medios de pagamento emitidos por entidades financeiras.

Observando que, con carácter xeral, para cubrir gastos de menor contía os solicitantes efectúan pagamentos en efectivo.

Considerando que pagamentos de escasa contía poden xustificarse mediante outros medios admitidos en dereito como xustificantes da recepción do pagamento das facturas emitidas polos provedores.

Por todo o anterior, e de conformidade coas facultades que teño conferidas,

DISPOÑO:

Único.-Publica-la modificación, acordada polo Consello de Dirección do Igape na súa reunión do 26 de novembro de 2003, da solicitude de cobramento, anexo V, para as axudas presentadas ó abeiro do convenio de colaboración entre o Igape e a Consellería de Cultura, Comunicación Social e Turismo para a posta en marcha de medidas de apoio e incentivo á modernización de establecementos de hostalería en determinadas zonas da Costa da Morte especialmente afectadas pola catástrofe do petroleiro Prestige, adaptándoo á natureza da subvención e admitindo como xustificantes de pagamento os efectuados en efectivo non superiores a 3.000 euros con xustificante de recepción asinado polo provedor, quedando o dito anexo V tal e como se une a esta resolución.

Esta resolución entrará en vigor o día seguinte á súa publicación no Diario Oficial de Galicia e será de aplicación a tódolos expedientes pendentes de pagamento polo Igape a esa data.

Santiago de Compostela, 2 de decembro de 2003.

Margarita Rodríguez Rama

Directora xeral do Institugo Galego

de Promoción Económica