De conformidade co establecido no artigo 29.2 do Decreto lexislativo 1/2008, do 13 de marzo, polo que se aproba o texto refundido da lei da función pública de Galicia, e en uso das atribucións conferidas polo artigo 17.4 da mesma lei, esta conselleria

DISPÓN:

Primeiro. Anunciar a convocatoria para cubrir, polo sistema de libre designación, os postos de traballo que se indican no anexo I.

Segundo. Poderán concorrer a ela os funcionarios de carreira que reúnan as condicións sinaladas no anexo I.

O significado das claves numéricas que aparecen na columna corpo ou escala do posto de traballo incluído no anexo I desta orde é o establecido na resolución da Consellería de Presidencia, Administracións Públicas e Xustiza do 25 de maio de 2007, publicada no DOG n.º 107, do 5 de xuño de 2007, na súa páxina 9.434.

Terceiro. As solicitudes para participar nesta convocatoria dirixiranse por escrito á Conselleira de Sanidade (edificio administrativo San Lázaro, s/n, 15703 Santiago de Compostela), segundo o modelo que se inclúe como anexo II a esta orde.

As ditas solicitudes poderanse presentar no rexistro xeral da Consellería de Sanidade, nos das súas xefaturas territoriais, nos das direccións provinciais do Servizo Galego de Saúde ou en calquera das oficinas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), no prazo de quince días hábiles, contados a partir do seguinte ao da publicación desta orde no Diario Oficial de Galicia.

Cuarto. Os aspirantes deberán unirlle á petición curriculum vitae e xustificar documentalmente os méritos que aleguen.

Os méritos alegados e non probados da maneira que sinalamos non se terán en conta.

Quinto. Esta convocatoria será resolta pola Consellería de Sanidade. A resolución súa farase pública no Diario Oficial de Galicia e poderá declararse deserta, de considerarse oportuno.

Sexto. O nomeamento dun funcionario con destino definitivo noutra Administración pública ou que preste os seus servizos na comunidade autónoma como consecuencia dunha comisión de servizos concedida conforme o disposto na disposición transitoria oitava punto 4.º da Lei 30/1984, do 2 de agosto, que resulte seleccionado para ocupar o posto de traballo anunciado estará condicionado a que a súa Administración emita informe favorable sobre el, conforme o previsto no Real decreto 28/1990, do 15 de xaneiro, e demais disposicións concordantes.

Sétimo. O prazo de toma de posesión será de tres días, se o destino anterior está na mesma localidade que a do novo destino, e dun mes, se están en localidade distinta ou comporta o reingreso ao servizo activo.

O prazo de toma de posesión empezará a contarse a partir do día seguinte ao do cesamento, que deberá producirse dentro dos tres días seguintes ao da publicación da resolución no Diario Oficial de Galicia.

Se a resolución comporta o reingreso ao servizo activo, o prazo de toma de posesión empezará a contarse a partir do día seguinte ao da súa publicación no Diario Oficial de Galicia.

Oitavo. Contra esta orde, que pon fin á vía administrativa, poderá interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non estimar a interposición deste recurso poderá interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.

Santiago de Compostela, 5 de maio de 2011.

M.ª Pilar Farjas Abadía
Conselleira de Sanidade

ANEXO I

Denominación do posto: Servizo de Epidemioloxía.

Código do posto: CSA030000215770008.

Dependencia: Dirección Xeral de Innovación e Xestión da Saúde Pública.

Localidade: Santiago de Compostela.

Tipo de posto: S.

Grupo: A.

Nivel C.D.: 28.

Complemento específico: 15.981,84 €.

Corpo ou escala: 1.1/1.2/7/estatutario/sanitario.

Denominación do posto: Servizo de Coordinación e Control de Xestión.

Código do posto: CSA030000415770010.

Dependencia: Dirección Xeral de Innovación e Xestión da Saúde Pública.

Localidade: Santiago de Compostela.

Tipo de posto: S.

Grupo: A/B.

Nivel C.D.: 28.

Complemento específico: 15.981,84 €.

Corpo ou escala: 1.1/1.2/2.2.1/7/estatutario/sanitario.

Denominación do posto: Servizo de Seguridade Alimentaria.

Código do posto: CSA030000115770006.

Dependencia: Dirección Xeral de Innovación e Xestión da Saúde Pública.

Localidade: Santiago de Compostela.

Tipo de posto: S.

Grupo: A.

Nivel C.D.: 28.

Complemento específico: 15.981,84 €.

Corpo ou escala: 1.1/1.2/7/9/estatutario/sanitario.

Denominación do posto: Servizo de Sanidade Ambiental.

Código do posto: CSA030000115770012.

Dependencia: Dirección Xeral de Innovación e Xestión da Saúde Pública.

Localidade: Santiago de Compostela.

Tipo de posto: S.

Grupo: A.

Nivel C.D.: 28.

Complemento específico: 15.981,84 €.

Corpo ou escala: 1.1/1.2/7/estatutario/sanitario.