O Pleno da Corporación, na sesión ordinaria que tivo lugar o día 28 de abril de 2011, adoptou entre outros, o seguinte acordo:

Aprobar definitivamente a modificación puntual do Plan especial de protección e rehabilitación da cidade histórica (PE-1) no ámbito da unidade edificatoria 111903 (Casas Reais, número 20), segundo o proxecto presentado o 24 de xuño de 2010 por Jesús Rey Iglesias, redactado polo arquitecto José Luís Pereiro Alonso.

Este acordo será notificado aos interesados e publicado no Diario Oficial de Galicia e no BOP, no que se inserirá a normativa urbanística aprobada.

Así mesmo, remitirase á Consellería de Medio Ambiente, Territorio e Infraestruturas comunicación do acordo de aprobación definitiva, xunto con dous exemplares dilixenciados do proxecto definitivamente aprobado.

A modificación afecta os seguintes documentos do plan especial:

– Ficha de catalogación da unidade edificatoria 111903.

– Plano de alzada 8.59.

– Plano de ordenación de cubertas 6.17.

O acto de aprobación definitiva da citada modificación do plan especial foi comunicado á Consellería de Medio Ambiente, Territorio e Infraestruturas o 5 de maio de 2011, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.

Contra este acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Santiago de Compostela, 6 de maio de 2011.

Xosé A. Sánchez Bugallo
Alcalde