Convocada a provisión, polo sistema de libre designación, de varios postos de traballo vacantes nesta consellería, pola Orde do 9 de maio de 2011 (Diario Oficial de Galicia n.º 102, do 27 de maio), de conformidade co disposto no artigo 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 17.4 do referido decreto lexislativo. Esta consellería
dispón:
Primeiro.
Resolver a convocatoria pública para a provisión, polo sistema de libre designación, de varios postos de traballo vacantes nesta consellería, anunciada pola Orde do 9 de maio de 2011 (Diario Oficial de Galicia n.º 102, do 27 de maio).
Segundo.
Adxudicar destino, nos postos de traballo que se indican, e seleccionar as persoas que se relacionan no anexo desta orde.
Terceiro.
O cesamento no destino actual das persoas que obtiveron praza producirase no prazo de tres días hábiles, contados a partir do seguinte ao da data de publicación desta orde no Diario Oficial de Galicia.
O prazo para a toma de posesión do novo destino será de tres días hábiles a partir do seguinte ao do cesamento, de tratarse da mesma localidade onde actualmente a persoa preste servizos, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e o disposto na base sétima da convocatoria.
O cómputo de prazos de posesión iniciarase cando rematen os permisos ou licenzas que, de ser o caso, lle fosen concedidas á dita persoa. Nos supostos de baixa temporal ou transitoria, iniciarase a partir da correspondente alta.
Cuarto.
O xefe do centro en que cause baixa a persoa seleccionada, así como o daquel en que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión.
Quinto.
Contra esta orde, que pon fin á vía administrativa, as persoas interesadas poderán interpoñer recurso potestativo de reposición, ante o conselleiro de Medio Ambiente, Territorio e Infraestruturas, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente, ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 4 de xullo de 2011.
Agustín Hernández Fernández de Rojas
Conselleiro de Medio Ambiente, Territorio e Infraestruturas
ANEXO
Apelidos e nome: Mariñas Busto, Marta.
NRP: 4691490524 A2061.
Grupo: A1.
Denominación do posto de traballo: Xefatura do Servizo de Planificación Urbanística II.
Código do posto de traballo: MA.C04.00.001.15770.020.
Centro directivo: Secretaría Xeral de Ordenación do Territorio e Urbanismo.
Localidade: Santiago de Compostela.
Corpo/escala: especial.
Nivel: 28.
Complemento específico: 15.981,84 €.
Apelidos e nome: Eirín Nemiña, José Antonio.
NRP: 7636570868 A205J.
Grupo: A1.
Denominación do posto de traballo: Xefatura do Servizo de Planificación Urbanística III.
Código do posto de traballo: MA.C04.00.001.15770.030.
Centro directivo: Secretaría Xeral de Ordenación do Territorio e Urbanismo.
Localidade: Santiago de Compostela.
Corpo/escala: especial.
Nivel: 28.
Complemento específico: 15.981,84 €.
Apelidos e nome: Picos García, Ana Belén.
NRP: 3282006702 A2061.
Grupo: A1.
Denominación do posto de traballo: Xefatura do Servizo de Autorizacións e Informes Sectoriais.
Código do posto de traballo: MA.C04.00.000.15770.070.
Centro directivo: Secretaría Xeral de Ordenación do Territorio e Urbanismo.
Localidade: Santiago de Compostela.
Corpo/escala: especial.
Nivel: 28.
Complemento específico: 15.981,84 €.
Apelidos e nome: Valenzuela Rodríguez, María José.
NRP: 7700854813 A3051.
Grupo: A1.
Denominación do posto de traballo: Xefatura do Servizo Xurídico-Administrativo.
Código do posto de traballo: MA.C04.00.000.15770.080.
Centro directivo: Secretaría Xeral de Ordenación do Territorio e Urbanismo.
Localidade: Santiago de Compostela.
Corpo/escala: xeral.
Nivel: 28.
Complemento específico: 15.981,84 €.
