De conformidade co disposto no artigo 59.5.º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo a resolución do expediente sancionador S-C-22.10 por infracción da Lei 8/1995, do 30 de outubro, do patrimonio cultural de Galicia.
Contra esta resolución, que non pon fin á vía administrativa, poderán os interesados interpoñer recurso de alzada ante o conselleiro de Cultura e Turismo no prazo dun mes contado a partir do día seguinte ao da súa publicación no Diario Oficial de Galicia, de conformidade co disposto no artigo 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Os interesados poderán examinar o expediente no Servizo de Patrimonio Cultural, do Departamento Territorial da Consellería de Cultura e Turismo na Coruña.
Santiago de Compostela, 5 de xullo de 2011.
Roberto Pena Puentes
Xefe do Servizo de Vixilancia e Inspección
ANEXO
N.º de expediente: S-C-22.10.
Interesada: Carmen María Barazal Salgado.
Último enderezo coñecido: r/ Campo de Santo Antonio, 21, Santiago de Compostela.
Feitos imputados: obras de remoción de terra na rúa Campo de Santo Antonio n.º 21 baixo da cidade histórica de Santiago de Compostela, sen control arqueolóxico e sen autorización da Dirección Xeral do Patrimonio Cultural.
Tipificación: artigo 91.h) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.