A Comunidade Autónoma de Galicia é titular dos inmobles das antigas cámaras agrarias locais ao abeiro do disposto na disposición adicional sétima da Lei 11/1995, do 28 de decembro, e dos inmobles das antigas cámaras agrarias provincias ao abeiro do disposto na Lei 1/2006, do 5 de xuño, do Consello Agrario Galego.
Unha vez desafectados do dominio público os inmobles da antiga Cámara Agraria Local de Santiago de Compostela mediante o Decreto 125/2011, do 3 de xuño (DOG n.º 126, do 1 de xullo), o inmoble da antiga Cámara Agraria Local de Cabanas mediante o Decreto 63/2011, do 3 de marzo (DOG n.º 69, do 7 de abril) e o inmoble da antiga Cámara Agraria Provincial de Pontevedra mediante o Decreto 124/2011, do 3 de xuño (DOG n.º 126, do 1 de xullo) e obtida a súa inscrición no correspondente rexistro da propiedade a nome da Comunidade Autónoma de Galicia, procede declarar a súa alleabilidade de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilitar o seu tráfico patrimonial.
Na súa virtude, por proposta da Secretaría Xeral Técnica e do Patrimonio,
DISPOÑO:
Artigo único.
Declárase a alleabilidade dos inmobles que se describen a continuación:
1. Parcela n.º 453-2 Ramalleira, situada en Fecha (Santiago de Compostela), cunha superficie aproximada de 11.411 m2, que segundo o rexistro da propiedade linda: norte, con Manuela Nieto González e outros, canle de rega que a separa de José Seoane Casal; sur, Antonio Noya Cobey e saída a camiño construído polo Servizo de Concentración Parcelaria; leste, Manuela Nieto González e outros; e oeste, Bernardo Gómez Nieto e Manuela Nieto González e outros.
Atópase inscrita no Rexistro da Propiedade n.º 2 de Santiago de Compostela como predio n.º 22.942, tomo 1.202, libro 244 e folio 190.
Referencia catastral: 15079E503010160000DY.
Valoración económica: 10.689,38 €.
2. Parcela n.º 297 Os Penedos, situada en Laraño (Santiago de Compostela), cunha superficie aproximada de 1.430 m2, que segundo o rexistro da propiedade linda: norte, con Elisa Roca Santomil e outros; sur, camiño construído polo Servizo de Concentración Parcelaria; leste, zona excluída; e oeste, camiño construído polo Servizo de Concentración Parcelaria.
Atópase inscrita no Rexistro da Propiedade n.º 2 de Santiago de Compostela como predio n.º 22.986, tomo 1.202, libro 244 e folio 212.
Referencia catastral: 4261810NH3446A0001WE.
Valoración económica: 77.258,61 €.
3. Parcela n.º 354 Cortiña de Pazos situada no lugar de Coira (Ames), cunha superficie aproximada de 936 m2, que segundo o rexistro da propiedade linda: norte, con camiño construído polo Servizo de Concentración Parcelaria; sur, con zona excluída; leste, con zona excluída e oeste con Castora Viqueira Gendra.
Atópase inscrita no Rexistro da Propiedade n.º 2 de Santiago de Compostela como predio n.º 22.992, tomo 1.202, libro 244 e folio 215.
Referencia catastral: 3751701NH3435S0001JG.
Valoración económica: 67.392 €.
4. Predio Barrosa, situada no lugar de Fontao, concello de Cabanas (A Coruña), cunha superficie aproximada de 383,5 m2, que segundo o rexistro da propiedade linda: norte, camiño ao lugar da Torre; sur, estrada das Pontes; leste, Emilio López Arnoso; e oeste, Emilio López Arnoso.
Atópase inscrito no Rexistro da Propiedade de Pontedeume como predio n.º 5.249, tomo 499, libro 52 e folio 91.
Referencia catastral: 7882407NJ6078S0001YD.
Valoración económica: 38.260,57 €.
5. Casa sita na praza do Teucro 18, esquina rúa Real do concello de Pontevedra, composta por semisoto, baixo e un piso, cunha superficie construída de 496 m2. Linda: fronte, praza do Teucro, por onde entra; dereita, herdeiros de Jaime Facorro Gantad; esquerda, rúa Real; fondo, predio da familia de Magdalena García.
Inscrita no Rexistro da Propiedade n.º 1 de Pontevedra como predio 3.753, tomo 1.801, libro 950 e folio 178.
Referencia catastral: 9280503NG2998S0001GL.
Valoración económica: 850.350,41 €.
Santiago de Compostela, 1 de xullo de 2011.
P.D. (Orde 27.4.2009)
Rosa M.ª Pedrosa Pedrosa
Secretaria xeral técnica e do Patrimonio da Consellería de Facenda