No Xulgado do Contencioso-Administrativo número dous de Lugo tramítase o recurso 272/2011-C (procedemento abreviado) interposto por María Fe Rouco Lamas contra a desestimación do recurso de reposición interposto contra a Resolución do 17 de marzo de 2011, da Dirección de Recursos Humanos, pola que se aproba a relación de prazas que se ofrecen e se citan para o acto de elección de destino os aspirantes seleccionados no proceso selectivo para o ingreso na categoría de técnico/a en coidados auxiliares de enfermaría, de persoal estatutario do Servizo Galego de Saúde.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de agosto de 2011.

Esperanza Fernández Lago
Directora de Recursos Humanos