O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 19.8.2010, acordou iniciar os trámites para a clasificación, como veciñal en man común, do seguinte monte:

Concello: Redondela.

Parroquia: O Viso.

Nome do monte: A Lomba.

Cabida: 5.343,8 m2 (superficie alegada na solicitude).

Lindes:

Norte: estrada asfaltada.

Sur: camiño de terra.

Leste: camiño de terra.

Oeste: estrada asfaltada.

O que se pon en coñecemento de todos os interesados, para os efectos de abrir un período dun mes de duración para que se poida examinar o expediente e aducir durante este tempo o que se considere procedente en relación cos montes de referencia, así como achegar cantas alegacións, documentos ou informacións consideren convenientes e, de ser o caso, propoñer proba en que se concreten os medios de que pretendan valerse, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23 do Decreto 260/1992, do 4 de setembro, polo que se aproba o regulamento para a execución da dita lei.

Pontevedra, 15 de setembro de 2011.

Enrique Martínez Chamorro
Instrutor do expediente