A Comunidade Autónoma de Galicia é titular dos inmobles das antigas cámaras agrarias locais ao abeiro do disposto na disposición adicional sétima da Lei 11/1995, do 28 de decembro.
Unha vez desafectados do dominio público os inmobles das antigas cámaras agrarias locais de Padrón e Cerdido mediante o Decreto 63/2011, do 3 de marzo (DOG nº 69, do 7 de abril) e o Decreto 171/2011, do 4 de agosto (DOG nº 158, do 19 de agosto), e obtida a súa inscrición no correspondente rexistro da propiedade a nome da Comunidade Autónoma de Galicia, procede declarar a súa alleabilidade, de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilitar o seu tráfico patrimonial.
Na súa virtude, por proposta da Secretaría Xeral Técnica e do Patrimonio,
DISPOÑO:
Artigo único.
Declárase a alleabilidade dos inmobles que se describen a continuación:
1. Parcela n.º 159 Castro, situada en Cruces, concello de Padrón (A Coruña), cunha superficie aproximada de 883 m2 que, segundo o rexistro da propiedade, linda: norte, camiño e José Valiño Taboada; sur, zona excluída; leste, José Valiño Taboada e Valentín Figueira Guisande; e oeste, Manuel Uzál Lodeiro.
Atópase inscrita no Rexistro da Propiedade de Padrón como predio n.º 9.630, tomo 487, libro 110 e folio 74.
Referencia catastral: 8257404NH2385N0001YP.
Valoración económica: 6.534,91 euros.
2. Parcela n.º 322 Agroxoi, situada en Cruces, concello de Padrón (A Coruña), cunha superficie aproximada de 495 m2 que, segundo o rexistro da propiedade, linda: norte, con María Lapido Díaz e outros; sur, José González Cereijo, canle de rega en medio; leste, camiño, canle de rega en medio; e oeste, regato que o separa de Manuela Prado Sampedro.
Atópase inscrita no Rexistro da Propiedade de Padrón como predio n.º 9.638, tomo 487, libro 110 e folio 82.
Referencia catastral: 15066B503003220000FJ.
Valoración económica: 10.939,40 euros.
3. Parcela n.º 590 Chalín, situada en Cruces, concello de Padrón (A Coruña), cunha superficie aproximada de 3.215 m2 que, segundo o rexistro da propiedade, linda: norte, con zona excluída; sur, camiño existente, canle de rega en medio; leste, José Aboy Blanco e oeste, con zona excluída.
Atópase inscrita no Rexistro da Propiedade de Padrón como predio n.º 9.654, tomo 487, libro 110 e folio 98.
Referencia catastral: 15066B503005900000FA.
Valoración económica: 25.755,76 euros.
4. Parcela n.º 598 Magaláns, situada en Cruces, concello de Padrón (A Coruña), cunha superficie aproximada de 2.199 m2 que, segundo o rexistro da propiedade, linda: norte, José Tojo Blanco e outro, Manuela Cajaraville Pose e Digna Iglesias Souto; sur, Josefina Villaverde Sánchez; leste, camiño; e oeste, zona excluída.
Atópase inscrita no Rexistro da Propiedade de Padrón como predio n.º 9.656, tomo 487, libro 110 e folio 100.
Referencia catastral: 15066B503005980000FF.
Valoración económica: 24.465,41 euros.
5. Parcela n.º 984 Costeira, situada en Cruces, concello de Padrón (A Coruña), cunha superficie aproximada de 1.294 m2 que, segundo o rexistro da propiedade, linda: norte, camiño; sur, río; leste, camiño existente e Rosalía Fojo Naya; e oeste, Rosa Seage Grela.
Atópase inscrita no Rexistro da Propiedade de Padrón como predio n.º 9.674, tomo 487, libro 110 e folio 118.
Referencia catastral: 15066B503009840000FM.
Valoración económica: 28.597,15 euros.
6. Parcela n.º 1.116 Bouza, situada en Cruces, concello de Padrón (A Coruña), cunha superficie aproximada de 4.114 m2 que, segundo o rexistro da propiedade, linda: norte, Manuel Landeira Iglesias, Isolina González Díaz e José Arca Rois; sur, con camiño; leste, camiño e Ramón Manuel Mirón Ribas; e oeste, Manuel Castro García e camiño.
Atópase inscrita no Rexistro da Propiedade de Padrón como predio nº 9.686, tomo 487, libro 110 e folio 130.
Referencia catastral: 15066F503011160000DP.
Valoración económica: 32.957,76 €.
7. Parcela Soocano, situada no lugar de Felgosa de Arriba na Barqueira (Cerdido), cunha superficie aproximada de 635 m2 que, segundo o rexistro da propiedade, linda: norte, labradío de Filomena Prieto Díaz; sur, con ribado en labradío máis baixo de Perfecta Villarnovo; leste, estrada de Viveiro a Liñares; e oeste, con ribado en terra labradía de Andrés Romero Coba, antes Concepción Luaces.
Atópase inscrita no Rexistro da Propiedade de Ortigueira como predio n.º 3.242, tomo 315, libro 23 e folio 136.
Referencia catastral: 15025A065002100000BJ.
Valoración económica: 10.609,50 euros.
Santiago de Compostela, 29 de setembro de 2011.
P.D. (Orde 27.4.2009)
Rosa M.ª Pedrosa Pedrosa
Secretaria xeral técnica e do Patrimonio da Consellería de Facenda