Asunto: incoación do expediente de información pública do proxecto de ampliación e mellora do sistema de tratamento de auga potable de Monforte de Lemos e dos bens e dereitos afectados de expropiación forzosa para a súa execución.

Severino Rodríguez Díaz, alcalde do concello de Monforte de Lemos (Lugo), en virtude do disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e en atención ao previsto na cláusula II do convenio subscrito o 28 de maio de 2010 entre este concello, a Xunta de Galicia, o organismo autónomo Augas de Galicia e a sociedade estatal Augas das Bacías do Norte, S.A.

I. Antecedentes.

A sociedade estatal Augas das Bacías do Norte, S.A., resultado da fusión por absorción de Augas da Bacía do Norte, S.A. (sociedade absorbida), e Augas do Douro, S.A. (sociedade absorbente), foi constituída con data do 28 de setembro de 1999, por autorización do Consello de Ministros, nos termos previstos no artigo 158.5 da Lei 13/1996, do 30 de decembro, de medidas fiscais, administrativas e de orde social, así como no artigo 132.1 do texto refundido da Lei de augas, aprobado polo Real decreto lexislativo 1/2001, do 20 de xullo.

A sociedade estatal Augas das Bacías do Norte, S.A. está participada na súa totalidade polo Estado español, e exerce o seu control económico a Dirección Xeral do Patrimonio do Estado de acordo coa Lei 33/2003, do 3 de novembro, do patrimonio das administracións públicas.

No ámbito das súas competencias, recoñecidas nos seus estatutos sociais e de acordo co vixente convenio de xestión directa, subscrito co Ministerio de Medio Ambiente, e Medio Rural e Mariño, encoméndase á sociedade estatal a construción, explotación e execución de varias infraestruturas hidráulicas, entre as cales se atopa a ampliación e mellora do sistema de tratamento de auga potable de Monforte de Lemos.

O sistema de abastecemento de auga potable de Monforte de Lemos presenta as seguintes deficiencias:

– Antigüidade das instalacións:

• Frecuentes avarías na rede.

• Escaso mantemento de equipamentos.

• Carencias de regulación.

• Sistema de operación obsoleto.

• Baixa calidade do servizo.

– Capacidade do sistema:

• Interrupcións da subministración.

– Flexibilidade do sistema:

• Resposta deficiente do sistema ante variacións de demanda.

– Rendemento do sistema:

• Baixo factor de eficiencia.

Para solucionar esta situación, a sociedade estatal Augas das Bacías do Norte, S.A., de conformidade co seu convenio de xestión directa subscrito co Ministerio de Medio Ambiente, e Medio Rural e Mariño, e co convenio subscrito con este Concello o 28 de maio de 2010, redactou un proxecto construtivo onde se definen as obras necesarias para a mellora do abastecemento de auga de Monforte de Lemos. Na cláusula II b) deste último documento prevese que:

«En atención á natureza e competencias da actuación, corresponde ao Concello de Monforte de Lemos:

1. A supervisión do proxecto construtivo nos termos exixidos polo artigo 109 da Lei 30/2007, do 30 de outubro, de contratos do sector público, e convense que, ante a insuficiencia de medios propios do concello, a dita supervisión se poida efectuar polas seguintes alternativas:

– Polo Colexio de Enxeñeiros de Camiños, Canles e Portos, quen subscribirá un acordo específico co Concello de Monforte de Lemos.

– Mediante a supervisión do proxecto construtivo pola unidade correspondente do organismo autónomo Augas de Galicia.

2. A aprobación do proxecto construtivo e a súa integración no Plan Xeral de Ordenación Municipal do concello.

3. A tramitación e aprobación do expediente de bens e dereitos afectados de expropiación polas obras.

4. O outorgamento de todas as licenzas e permisos de competencia municipal que sexan necesarios para a execución das obras e a posta en marcha da infraestrutura hidráulica».

II. Obxecto e características do proxecto.

As obras proxectadas teñen por obxecto a mellora do sistema de abastecemento do Concello de Monforte de Lemos, que consisten fundamentalmente en:

– Actuacións de mantemento na captación de Freixo.

– Novo acceso a ETAP en Ribas Altas.

– Nova ETAP de Ribas Altas (capacidade máxima 230 l/s, ampliable a 300 l/s).

– Estación de bombeo de Ribas Altas (300 l/s).

– Depósito de bombeo de Ribas Altas (3.219 m3).

– Condución impulsión Ribas Altas-Cornado.

– Control de enchemento automático e telexestión dos depósitos de San Vicente.

– Control de enchemento automático e telexestión do depósito de Piñeira.

– Control automático e telexestión das conexións á rede de alta (Rúa Real e anel de distribución).

– Sistema de integración de sinais e axuda á decisión (intelixencia artificial-resposta á demanda).

En consecuencia, prevese que as obras do proxecto construtivo de ampliación e mellora do sistema de tratamento de auga potable de Monforte de Lemos permitirán solucionar as deficiencias de abastecemento que presenta a cidade.

III. Análise documental do proxecto.

O proxecto comprende os seguintes documentos:

1. Memoria, con vinte e seis (26) anexos, incluíndose entre estes documentos os preceptivos programa de traballos (anexo n.º 22), xustificación de prezos (anexo n.º 23), parcelario e relación de bens afectados (anexo n.º 24) e orzamento para coñecemento da Administración (documento n.º 4, Orzamentos).

De conformidade co plan de obras proponse un prazo de dezanove (19) meses para a execución das obras, aos cales hai que engadir tres (3) meses máis para a posta en marcha.

Faise declaración expresa de tratarse dunha obra completa (apartado 19 da memoria).

– Planos en que se definen suficientemente as obras proxectadas.

– Prego de prescricións técnicas particulares, no cal, adecuadamente, se definen os materiais, se especifica a execución das distintas unidades de obra e se determina a súa medición e aboamento.

– Orzamento, cos capítulos regulamentarios, polos que se obtén un orzamento de execución material de 4.791.948,28 euros, ascendendo o valor estimado do contrato de obras a 4.276.815,96 euros, incluído o estudo de seguridade e saúde e o coeficiente de adxudicación, e excluído o imposto sobre o valor engadido correspondente.

– Estudo de seguridade e saúde, inclúese, segundo o disposto no Real decreto 1627/1997, do 24 de outubro, polo que se establecen disposicións mínimas de seguridade e de saúde nas obras de construción, cuxo orzamento de execución material ascende a 44.317,86 euros.

IV. Conclusión.

Esta alcaldía, en virtude do disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e en atención ao previsto na cláusula II do convenio subscrito o 28 de maio de 2010 entre este concello, a Xunta de Galicia, o organismo autónomo Augas de Galicia e a sociedade estatal Augas das Bacías do Norte, S.A.

Resolve autorizar a incoación do expediente de información pública do proxecto de ampliación e mellora do sistema de tratamento de auga potable de Monforte de Lemos e dos bens e dereitos afectados de expropiación forzosa para a súa execución.

Esta resolución deberá facerse pública para xeral coñecemento de acordo co artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e dos propietarios de terreos, bens e dereitos afectados polas obras recollidas neste proxecto construtivo, cuxa relación se xunta como anexo, conforme o establecido no artigo 18 da Lei de 16 de decembro de 1954, de expropiación forzosa, e nos artigos 17 e 18 do seu regulamento (Decreto do 26 de abril de 1957), polo prazo de vinte (20) días hábiles contados a partir da publicación do correspondente anuncio no último dos boletíns ou diarios en que se publicará, Boletín Oficial del Estado e Boletín Oficial da provincia de Lugo, a fin de que os que se consideren prexudicados polas obras que se prevén poidan formular as alegacións que consideren oportunas.

O proxecto construtivo, a relación de bens e dereitos afectados e os planos parcelarios poderán ser examinados na Delegación de Oviedo da sociedade estatal Augas das Bacías do Norte, S.A., situada na rúa La Regenta, n.º 23, de Oviedo e nas dependencias deste concello, de Monforte de Lemos sitas na praza Campo de San Antonio s/n. A relación de bens e dereitos afectados e os planos parcelarios tamén poderán ser examinados nas dependencias deste concello.

Monforte de Lemos, 7 de outubro de 2011.

Severino Rodríguez Díaz
Alcalde

ANEXO I
Lista de bens e dereitos afectados polas obras do proxecto de ampliación e mellora do sistema
de tratamento de auga potable de Monforte de Lemos

Predio n.º	Termo municipal	Polígono	Parcela	Uso	Nome	Enderezo	Sup. total (m²)	Temporal	Exp. def.	Acueduto	Arboredo autóctono	Arboredo froiteiras	Pinus sp.	Quercus robur	Castanea sativa	Chantón árbore autóctona	Outros bens
1	Monforte de Lemos	33	782	MT	MVMC de Ribas Altas exp. 2/2001		179.525	572	48	299	10 ud.			16 ud.
2	Monforte de Lemos	33	484	MT	Varela González, José	R/ Miguel de Cervantes 18, pl. 2, pt. A, Lugo 27003	17.996	1.142		547			13 ud.	21 ud.		3.727 ud.
3	Monforte de Lemos	33	498	MT	Suengas Sánchez, Pilar	R/ Rampla Claudio López 34, pl. 3, pt. I, Lugo 27002	11.695	253	10.324	98			7 ud.			26.055 ud.
4	Monforte de Lemos	33	499	MT	López Casanova, Víctor	Lg. Morín 302, Monforte de Lemos 27400	3.261		2.492							4.984 ud.
5	Monforte de Lemos	33	500	MT	Casanova López, Luis Manuel	Lg. Morín 221, Monforte de Lemos 27400	4.586		3.324		3 ud.					4.986 ud.
6	Monforte de Lemos	33	501	MT	Casanova Otero, José Ramón	R/ Chantada 30, pl. 5, Monforte de Lemos 27400	5.693	782	799		6 ud.					2.214 ud.
7	Monforte de Lemos	33	508	MT	Casanova Lemos, Ana	R/ Bernardo González Cachamu 6, pl. 4, pt. dta. Ourense 32004	4.666	118
8	Monforte de Lemos	33	771	PD	García Cores, Casimiro	Pq. Ribas Altas, Monforte de Lemos 03500	123	123
9	Monforte de Lemos	33	770	MT	Martínez Pérez, Antonio	R/ Juan Montes, Monforte de Lemos 27400	387	387
10	Monforte de Lemos	32	185	PD	Rodríguez Álvarez, María	Lg. Ribas Altas Outeiro 34, Monforte de Lemos 27400	3.302		27
11	Monforte de Lemos	32	183	C	Rodríguez Castro, Remedios	R/ Morín 156, pl. B, Monforte de Lemos 27400	646		34
12	Monforte de Lemos	32	168	PD	Pombo Martínez, Consuelo	Lg. Ribas Altas Outeiro 20, Monforte de Lemos 27400	669		218			13 ud.					Parra de 7 m formada por 6 vides
13	Monforte de Lemos	32	167	PD	López Casanova, Pilar	Lg. Morín 221, Monforte de Lemos 27400	298		50		1 ud.				1 ud.
14	Monforte de Lemos	32	166	PD	Álvarez González, Antonio	Lg. Parte, Monforte de Lemos 27410	758		109		2 ud.			1 ud.
15	Monforte de Lemos	32	165	C	Casanueva Cuyar, Azucena	R/ Ribas Altas, Outeiro 29, Monforte de Lemos 27410	489		76		6 ud.
16	Monforte de Lemos	32	164	C	García Rodríguez, José	Lg. Ribas Altas, Outeiro 11, Monforte de Lemos 27400	1.097		118		1 ud.						1 construción agraria
17	Monforte de Lemos	32	163	C	Rodríguez Castro, Remedios	R/ Morín, 156, pl. B, Monforte de Lemos 27400	935		139						1 ud.
18	Monforte de Lemos	32	162	C	Casanova Otero, José Ramón	R/ Chantada 30, pl. 5, Monforte de Lemos 27400	611		27							270 ud
19	Monforte de Lemos	32	158	C	Casanova Pumar, Nemesio	Lg. Morín 231, Monforte de Lemos 27400	1.844		2
20	Monforte de Lemos	32	161	C	López Álvarez, José	Lg. Rivasaltas 30, Monforte de Lemos 27410	690		146
21	Monforte de Lemos	32	159	C	Casanova Pumar, Nemesio	Lg. Morín 231, Monforte de Lemos 27400	881		146					8 ud.
22	Monforte de Lemos	32	160	C	Rodriguez López, Irene	Lg. Ribas Altas, Outeiro, Monforte de Lemos 27400	1.667		18			1 ud.
23	Monforte de Lemos	33	507	MT	Casanova Pumar, Nemesio	Lg. Morín 231, Monforte de Lemos 27400	2.631		8					43 ud.
24	Monforte de Lemos	2592010PH2029S		ID	Concello de Monforte de Lemos	Praza Campo de San Antonio s/n Monforte de Lemos 27400	3.005	155,03	32,03	125,47
25	Monforte de Lemos	2691015PH2029S		ID	Concello de Monforte de Lemos	Praza Campo de San Antonio s/n Monforte de Lemos 27400	2.867	620,37	151,94	143,96