DOG 229 do 30/11/2011 - RESOLUCIÓN do 22 de novembro de 2011, da Dirección Xeral da Función Pública, pola que se fan públicas as listaxes provisionais para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

IV. Oposicións e concursos

Consellería de Facenda

RESOLUCIÓN do 22 de novembro de 2011, da Dirección Xeral da Función Pública, pola que se fan públicas as listaxes provisionais para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

Finalizado o prazo de presentación de solicitudes previsto no artigo 6.2 do Decreto 37/2006, do 2 de marzo, para a inclusión nas listaxes elaboradas de conformidade co previsto neste decreto que se atopan en xestión, unha vez que a Comisión Permanente Central acordou, na súa xuntanza do día 15 de novembro do presente ano, elevar a este centro directivo as listaxes correspondentes, esta dirección xeral,

RESOLVE:

Primeiro. Facer públicas as listaxes provisionais para a cobertura, con carácter transitorio, de prazas reservadas a persoal funcionario correspondentes aos corpos e escalas que se inclúen no anexo I desta resolución, así como para a cobertura con carácter transitorio de prazas reservadas a persoal laboral correspondentes aos grupos e categorías que se inclúen no anexo II, con indicación das puntuacións provisorias resultantes da aplicación do baremo establecido no artigo 9 do Decreto 37/2006.

Segundo. As listaxes atópanse á disposición dos interesados no Servizo do Rexistro Xeral e Información da Consellería de Presidencia, Administracións Públicas e Xustiza, nas oficinas de rexistro e información dos edificios administrativos da Xunta de Galicia, nas oficinas comarcais da Xunta de Galicia e na páxina web da Xunta de Galicia (www.xunta.es) na epígrafe Función pública.

Nas devanditas listaxes figura a seguinte información:

– Solicitantes admitidos na listaxe con indicación da puntuación provisional.

– Solicitantes excluídos con expresión da causa de exclusión.

Terceiro. Os interesados disporán dun prazo de dez días hábiles, contados a partir do día seguinte ao da publicación desta resolución no Diario Oficial de Galicia, para presentar reclamacións ante a Comisión Permanente Central (Dirección Xeral da Función Pública, Consellería de Facenda, edificio administrativo San Caetano, s/n, Santiago de Compostela).

Xunto coas ditas reclamacións achegarase, de ser o caso:

– Documentación que emende a causa de exclusión.

- Certificación de servizos prestados na Xunta de Galicia para o mesmo grupo, categoría, corpo ou escala, segundo modelo que figura como anexo III a esta resolución, que deberá ser expedida polas unidades seguintes:

● Servizos centrais: secretaria/o xeral, subdirectora/o xeral ou xefas/es de servizo que teñan atribuídas funcións en materia de xestión de persoal, dependentes da secretaría xeral da consellería respectiva ou dos seus organismos autónomos onde estea a prestar servizos ou onde os prestou por última vez.

● Servizos periféricos: xefas/es territoriais ou, se é o caso, funcionaria/o responsable da área de persoal das xefaturas territoriais da consellería respectiva ou dos seus organismos autónomos onde estea a prestar servizos ou onde os prestou por última vez.

– Certificación de servizos prestados en municipios ou mancomunidades de municipios da Comunidade Autónoma de Galicia na mesma categoría, categorías análogas ou asimilables, para o persoal laboral dos servizos de prevención e defensa contra incendios forestais e de persoal do Pladiga, segundo o modelo que figura como anexo IV a esta resolución, que deberá ser expedida pola/o secretaria/o do concello.

No suposto de que algún dos excluídos das citadas listaxes non presente a documentación referida no parágrafo anterior, quedará definitivamente excluído.

Cuarto. A partir da publicación desta resolución no DOG, os solicitantes provisionalmente admitidos ou excluídos poderán presentar solicitude de suspensión de chamamentos de conformidade co establecido no artigo 15.2 do Decreto 37/2006, que se encontra á súa disposición na páxina web da Xunta de Galicia (www.xunta.es), na epígrafe de listaxes de contratación temporal.

Unha vez transcorrido o prazo para formular alegacións, levaranse a cabo as emendas procedentes, ás cales se lles dará a oportuna publicidade no DOG.

Santiago de Compostela, 22 de novembro de 2011.

José María Barreiro Díaz
Director xeral da Función Pública

ANEXO I
Corpos e escalas (persoal funcionario)

Grupo	Corpo/escala	Denominación
A1	2060	Corpo superior de administración da Xunta de Galicia
A1	2067	Escala de veterinarios
A1	205G	Escala de sistemas e tecnoloxía da información
A1	2061	Escala de arquitectos
A1	2063	Escala de enxeñeiros/as agrónomos
A1	2068	Escala de biólogos/as
A1	2069	Escala de químicos/as
A1	206K	Escala de facultativo de arquivos, bibliotecas e museos. Especialidade de arquivos
A1	206L	Escala de facultativo de arquivos, bibliotecas e museos. Especialidade de bibliotecas
A1	206M	Escala de facultativo de arquivos, bibliotecas e museos. Especialidade de museos
A1	210A	Escala de inspección urbanística
A1	2086	Escala superior de finanzas
A1	2083	Escala superior de estatísticos
A1	2062	Escala de enxeñeiros/as de camiños, canles e portos
A1	2064	Escala de enxeñeiros/as industriais
A1	2065	Escala de enxeñeiros/as de minas
A1	2066	Escala de enxeñeiros/as de montes
A1	2072	Escala de arqueólogos/as
A1	2080	Escala de enxeñeiros/as de telecomunicacións
A1	2093-01	Escala de profesores numerarios. Especialidade en dereito
A1	2093-02	Escala de profesores numerarios. Especialidade en procesos de cultivo acuícola
A1	2093-03	Escala de profesores numerarios. Especialidade en navegación marítima
A1	2093-04	Escala de profesores numerarios. Especialidade en pesca marítima
A1	2093-05	Escala de profesores numerarios. Especialidade en inglés marítimo
A2	2051	Corpo de xestión de Administración da Xunta de Galicia
A2	2052	Escala de enxeñeiros/as técnicos forestais
A2	205F	Escala técnica de finanzas
A2	205H	Escala de xestión de sistemas de informática
A2	206I	Inspección turística
A2	206N	Escala de axudantes de arquivos, bibliotecas e museos. Especialidade de arquivos
A2	206P	Escala de axudantes de arquivos, bibliotecas e museos. Especialidade de bibliotecas
A2	206Q	Escala de axudantes de arquivos, bibliotecas e museos. Especialidade de museos
A2	206X	Escala técnica de inspección de consumo
A2	210B	Escala de subinspección urbanística
A2	2077	Escala de enxeñeiros/as técnicos agrícolas
A2	2085	Escala técnica de estatística
A2	2097	Escala de axentes de extensión pesqueira
A2	2073	Escala de arquitectos/as técnicos
A2	2074	Escala de enxeñeiros/as técnicos de obras públicas
A2	2075	Escala de enxeñeiros/as técnicos industriais
A2	2076	Escala de topógrafos/as
A2	2079	Escala de enxeñeiros/as técnicos de minas
C1	2053	Corpo administrativo da Xunta de Galicia
C1	205I	Escala técnica auxiliar de informática
C1	2081	Escala de delineantes
C2	2059	Corpo auxiliar da Xunta de Galicia
C2	2054	Escala de axentes forestais
	2055	Agrupación profesional

ANEXO II
Grupos e categorías (persoal laboral)

Grupo	Categoría	Denominación
I	002	Titulado/a superior médico/a, médico/a xeriatra, médico/a CEI, médico/a adxunto/a, médico/a
I	004	Titulado/a superior
I	006	Titulado/a superior psicólogo/a
I	011	Titulado/a superior pedagogo/a
I	014	Titulado/a superior sociólogo/a
I	018	Licenciado/a informático/a (antigo/a técnico/a de sistemas e analista titulado/a superior)
I	019	Titulado/a superior especialista. Titulado/a superior famacéutico/a
I	023	Documentalista
I	027	Coordinador/a de actividades externas
I	029	Xefe/a departamento persoal e xestión económico-administrativa do IGAEM
I	030	Relacións públicas do IGAEM
I	031	Titulado/a superior de formación ocupacional
I	032	Técnico/a superior en centros de arte
II	001	Director/a-administrador/a. Director/a de centro social. Director/a casa da xuventude. Subdirector/a residencia xuvenil. Preceptor/a residencia. Director/a centro. Xefe/a do servizo administrativo do IGAEM. Secretario/a de residencia. Director/a de cociña de irmandade. Director/a de clínica deportiva
II	002	ATS, enfermeiro/a, practicante, DUE
II	005	Profesor/a. Profesor/a titular. Profesor/a EXB. Mestre/a. Profesor/a de educación física. Profesor/a de matemáticas
II	006	Educador/a, profesor/a especial
II	007	Titulado/a grao medio
II	008	Director/a de gardaría infantil
II	011	Fisioterapeuta
II	017	Asistente social
II	020	Terapeuta ocupacional
II	021	Monitor/a ocupacional
II	027	Técnico/a superior diplomado/a en informática (antigo analista de aplicacións (titulado/a medio) e antigo analista programador/a (titulado/a medio)
II	031	Restaurador/a
II	037	Titulado/a medio/a formación ocupacional
II	040	Mestre/a especialista en educación infantil
III	002	Encargado/a administrativo/a. Xefe/a de negociado. Xefe/a administración. Xefe/a 2.ª administración. Administrador/a. Secretario/a-administrador/a residencia xuvenil. Administrador/a de produción de centros. Secretario/a de dirección do IGAEM. Axudante/a de dirección e difusión da música. Axudante/a de dirección e difusión do CDG
III	003	Controlador/a pecuario/a. Axudante/a técnico/a pecuario/a
III	004	Gobernante/a, gobernante/a servizos domésticos, encargado/a lavadoiro, roupeiro, ferro de pasar
III	005	Intendente. Encargado/a de establecemento. Encargado/a de almacén
III	006	Xefe/a de servizos técnicos. Encargado/a de mantemento. Conservador/a de edificios. Encargado/a oficios varios mantemento. Xefe/a de taller. Encargado/a de traballos. Especialista de oficios
III	011	Encargado/a agrario/a
III	012	Mestre/a de taller
III	014	Xefe/a de cociña
III	017	Analista de laboratorio
III	023	Celador/a de estradas. Capataz de brigada
III	030	Programador/a
III	034	Especialista de oficios (debuxante)
III	040	Axudante/a de produción
III	050	Técnico/a especialista xardín de infancia
III	060	Auxiliar técnico/a de obra. Auxiliar técnico/a obra TIE
III	063	Oficial 1.ª condutor/a, condutor/a 1ª, condutores/as altos cargos, condutor/a mecánico/a
III	064	Oficial/a 1.ª tractorista. Tractorista. Operador/a maquinaria pesada
III	065	Oficial 1.ª cociña, oficial 1.ª cociñeiro, xefe/a cociña, cociñeiro/a 1.ª
III	067	Capataz de obras. Capataz cuadrilla. Xefe/a equipo. Oficial 1.ª obra COTOP. Capataz
III	069	Oficial servizos técnicos, oficial 1.ª mantemento, oficial 1.ª oficios varios, oficial de primeira
III	078	Subgobernante/a
III	080	Capataz de establecemento
III	090	Animador/a sociocultural
III	091	Técnico/a especialista en informática (antigo/a operador/a de ordenadores)
III	097	Auxiliar de son
III	102	Encadernador/a
III	103	Entrevistador/a-enquisador/a
III	104	Intérprete de linguaxe de signos
IV	001	Auxiliar gravación. Oficial/a 2.ª linotipista. Auxiliar administrativo/a. Oficial 2.ª administrativo/a. Técnico/a auxiliar en informática. Operador/a máquina elemental. Auxiliar
IV	002	Auxiliar mecánico/a. Oficial/a 2.ª mecánico/a. Mecánico/a reparación obras
IV	003	Auxiliar sanitario, auxiliar clínica, auxiliar psiquiátrico/a, auxiliar de enfermería, coidador/a xeriátrico, coidador/a
IV	004	Auxiliar fogar, coidador/a auxiliar, auxiliar coidador/a, auxiliar de internado
IV	005	Oficial 2.ª cociña, cociñeiro/a oficial 2.ª
IV	006	Axudante/a servizos técnicos. Oficial/a 2.ª mantemento
IV	007	Garda xuramentado/a fluvial. Garda explotación
IV	009	Oficial 2.ª agrario/a
IV	011	Auxiliar de laboratorio
IV	016	Condutor/a
IV	017	Almaceneiro/a, despenseiro/a
IV	020	Conserxe (cando teñan ao seu cargo persoal subalterno ou ordenanza)
IV	021	Oficial/a 2.ª carpinteiro/a. Auxiliar carpintaría
IV	023	Mestre/a gaiteiro/a
IV	025	Cargador/a. Tremoieiro/a
IV	028	Auxiliar produción-dirección
IV	030	Auxiliar formación ocupacional
IV	031	Legoeiro/a
IV	035	Auxiliar de arquivos e bibliotecas
IV	036	Auxiliar de museos
IV	039	Auxiliar de autopsia
V	001	Camareiro/a-limpador/a, axudante cociña, pasador/a de ferro-lavandeiro/a, costureiro/a, cortador/a, pasador/a de ferro, lavandeiro/a
V	002	Axudante de traballos ou oficios, axudante albanel, peón/oa especializado/a, fontaneiro/a, axudante, hortelá/n, axudante traballos, encargado/a xardín
V	003	Ordenanza, celador/a, vixilante de oficinas, vixilante nocturno/a, vixilante, subalterno/a, porteiro/a, recepcionista, telefonista, sereno, garda, garda xuramentado
V	008	Peón/oa agrario/a
V	009	Celador/a de segunda. Vixilante de recursos naturais
V	10E	Vixilante de arquivos, bibliotecas e museos
V	10F	Peón/oa forestal
V	011	Limpador/a, fregador/a, empregado/a comedor, empregado/a cociña-pinche, servizo doméstico. Mozo/a de limpeza, pinche de cociña, persoal de servizos xerais
V	012	Peón/oa, laborante, varredor/a, mozo/a servizos, mozo/a laboratorio, mozo/a, pastor/a, xardineiro/a, mozo/a transportes, peón/oa xardineiro/a, EFU, mozo/a mantemento, mozo/a subalterno

Grupos e categorías do persoal laboral dos Servizos de Prevención
e Defensa contra Incendios Forestais e de Persoal do Pladiga

Grupo	Categoría	Denominación
I	038	Técnico superior de defensa contra incendios forestais
II	039	Técnico forestal de defensa contra incendios forestais
III	100	Xefe de cuadrilla de defensa contra incendios forestais
IV	032	Operador/a codificador/a de defensa contra incendios forestais
IV	033	Condutor motobomba de defensa contra incendios forestais
IV	037	Oficial 2.ª mecánico de defensa contra incendios forestais
V	10A	Vixilante móbil de defensa contra incendios forestais
V	10B	Vixilante fixo de defensa contra incendios forestais
V	10C	Emisorista de defensa contra incendios forestais
V	014	Peón de defensa contra incendios forestais
V	14A	Peón condutor de defensa contra incendios forestais

ANEXO III

Certificación de servizos prestados

(Resolución do DOG núm. do de de 201 )

D.ª/D. (nome da/do funcionaria/o que certifica)

Cargo CERTIFICA:

Que segundo os antecedentes que constan neste centro directivo e á vista da documentación achegada pola/o interesada/o, da cal se conserva unha copia compulsada nesta unidade, dona/don con DNI núm. prestou servizos no corpo, escala, grupo e categoría e nos períodos e consellerías e/ou organismos autónomos da Xunta de Galicia que deseguido se indican:

Grupo/categoría (código)	Corpo/escala (código)	Denominación do posto	Consellería ou organismo autónomo da Xunta de Galicia	Código de posto de traballo (de ser o caso)	Descontinuo (si/non)*	Fin de semana (si/non)*	Data inicio	Data fin	Total (en días)*

E para que así conste, asino a presente certificación en o de de 201

(Sinatura)

* Nota:

– Os servizos prestados abranguerán exclusivamente ata o 31 de decembro de 2010.

– É moi importante que no caso de postos descontinuos ou de fin de semana se reflictan exclusivamente os días efectivamente traballados.

ANEXO IV

Certificación de servizos prestados en concellos ou mancomunidades de municipios da Comunidade Autónoma de Galicia

(Resolución do DOG núm. do de de 201 )

D.ª/D. (nome da/do funcionaria/o que certifica)

secretario do concello de CERTIFICA:

Que segundo os antecedentes que constan neste concello ou mancomunidade de municipios, dona/don con DNI n.º prestou servizos neste concello ou mancomunidade de municipios da Comunidade Autónoma de Galicia, no grupo e categoría e nos períodos que deseguido se indica:

Grupo/categoría (código)	Denominación do posto	Concello ou mancomunidade de municipios	Código de posto de traballo (de ser o caso)	Descontinuo (si/non)*	Fin de semana (si/non)*	Data inicio	Data fin	Total (en días)*

E para que así conste, asino a presente certificación en o de de 201

(Sinatura)

Visto e prace: O/a secretario/a

O/a alcalde/sa

* Nota:

– Os servizos prestados abranguerán exclusivamente ata o 31 de decembro de 2010.

– É moi importante que no caso de postos descontinuos ou de fin de semana se reflictan exclusivamente os días efectivamente traballados.