Por Orde da Consellería de Economía e Industria do 20 de xullo de 2011 (DOG n.º 143, do 27 de xullo), convocáronse as subvencións para o ano 2011 para o apoio ao crecemento empresarial mediante o fomento da investigación e a innovación empresarial no ámbito da Comunidade Autónoma de Galicia. O anexo I da citada orde contén as bases reguladoras para a concesión, en réxime de concorrencia competitiva, das subvencións para o apoio ao desenvolvemento de plataformas tecnolóxicas (código de procedemento IN841A).

No Diario Oficial de Galicia n.º 227, do 28 de novembro de 2011, publicouse a Orde do 23 de novembro de 2011 pola que se modifican o artigo 6 dos anexos I e II e o artigo 7 do anexo III da orde de convocatoria.

En virtude do anterior, de acordo co establecido nas bases da citada orde de convocatoria, atendendo as dispoñibilidades de crédito e as propostas elaboradas pola comisión de valoración prevista no artigo 11 da orde de convocatoria, esta consellería

RESOLVE:

Primeiro. Concederlles as subvencións para o apoio ao desenvolvemento de plataformas tecnolóxicas (procedemento IN841A) aos beneficiarios que se relacionan no anexo desta resolución, nas contías que se sinalan, que supoñen un total de 523.585 euros para o ano 2011. Aquelas subvencións para as cales se recolle «Si» na columna Feder están cofinanciadas con fondos Feder. O pagamento das axudas está supeditado á aprobación desta orde por parte da Comisión Europea.

Segundo. De acordo co establecido na Orde do 23 de novembro de 2011 (DOG n.º 227, do 28 de novembro) pola que se modifican o artigo 6 dos anexos I e II e o artigo 7 do anexo III da orde de convocatoria, para poderen percibir as subvencións os beneficiarios deberán presentar, na data límite do 31 de decembro de 2011, a documentación indicada no artigo 20 da Orde do 20 de xullo de 2011 (DOG n.º 143, do 27 de xullo) así como no artigo 6 do anexo I da citada orde de convocatoria.

Terceiro. A Dirección Xeral de Investigación, Desenvolvemento e Innovación da Consellería de Economía e Industria adoptará as medidas necesarias para a instrución dos correspondentes expedientes de gasto.

Cuarto. A inobservancia por parte dos beneficiarios de calquera das bases establecidas na orde de convocatoria suporá a perda do dereito a percibir a subvención correspondente.

Quinto. Contra esta resolución, que pon fin á vía administrativa, poderase interpoñer recurso potestativo de reposición ante o conselleiro de Economía e Industria, no prazo dun mes contado a partir do día seguinte ao da publicación desta resolución no Diario Oficial de Galicia, ou recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.

Disposición derradeira.

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 5 de decembro de 2011.

P.D. (Orde 30.4.2009, DOG n.º 87, do 6 de maio)
Borja Verea Fraiz
Secretario xeral técnico da Consellería de Economía e Industria

Anexo
Relación de solicitudes concedidas