En execución da Sentenza do 8 de marzo de 2010 ditada pola Sala do Contencioso-Administrativo do Tribunal Supremo no recurso de casación n.º 4630/2006, e mediante a Orde do 28 de setembro de 2008, a Consellería de Facenda elevou a definitiva a proposta do tribunal do aspirante que, en cumprimento da sentenza que se executa, supera o dito proceso selectivo, e acreditado o cumprimento dos requisitos exixidos na convocatoria por parte do aspirante, co obxecto de adxudicarlle destino definitivo, esta consellería

DISPÓN:

Convocar o aspirante que superou o proceso selectivo para o acceso ao corpo de auxiliares técnicos da Xunta de Galicia, grupo D, escala de axentes forestais, en virtude da sentenza que se executa, ao acto de elección de destino definitivo que terá lugar no salón de actos número 2, pequeno, da Consellería de Presidencia, Administracións Públicas e Xustiza, o día 3 de xaneiro de 2012, ás 10.30 horas.

O aspirante convocado poderá elixir entre os postos que se relacionan no anexo, sempre que reúna as condicións exixidas nel.

No caso de solicitar excedencia voluntaria por servizos no sector público ou por interese particular, regulada no artigo 57.1 do Decreto lexislativo 1/2008, do 13 de marzo –redacción dada polo artigo 25 da Lei 15/2010, do 28 de decembro (DOG núm. 250, do 30 de decembro)– deberá presentarse ao chamamento cun certificado do responsable da súa unidade de persoal no cal conste a condición con que presta servizos na actualidade.

O aspirante deberá ir provisto de DNI ou outro documento que acredite fidedignamente a súa identidade; no caso de non comparecer persoalmente poderá ser representado por terceiras persoas con poder notarial suficiente.

Se o aspirante non comparece persoalmente ou por medio de representante seralle adxudicada en destino definitivo a praza que lle corresponda atendendo á orde de publicación destas.

Contra esta orde, que pon fin á vía administrativa, poderán interpoñer, con carácter potestativo, recurso de reposición ante a conselleira de Facenda no prazo dun mes contado desde o día seguinte ao da publicación desta orde no DOG, ou directamente recurso contencioso-administrativo no prazo de dous meses contados desde o día seguinte ao da súa publicación no DOG, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 21 de decembro de 2011.

Marta Fernández Currás
Conselleira de Facenda

Anexo