A Lei orgánica 5/2002, do 19 de xuño, das cualificacións e da formación profesional, establece no artigo 3.5 que un dos fins do Sistema Nacional de Cualificacións e Formación Profesional é o de avaliar e acreditar oficialmente a cualificación profesional, calquera que sexa a súa forma de adquisición e, no seu artigo 4, establece que un dos seus instrumentos é o procedemento de recoñecemento, avaliación, acreditación e rexistro das cualificacións profesionais.

A mesma lei, no seu artigo 8, alínea 2, establece que a avaliación e a acreditación da competencia profesional adquirida a través da experiencia laboral ou de vías non formais de formación se debe desenvolver seguindo criterios que garantan a fiabilidade, a obxectividade e o rigor técnico da avaliación, e que terá como referente o Catálogo Nacional de Cualificacións Profesionais; e na súa alínea 3 recolle a posibilidade de realizar acreditacións parciais acumulables.

O Real decreto 1128/2003, do 5 de setembro, polo que se regula o Catálogo Nacional de Cualificacións Profesionais, define no seu artigo 5, alínea b), a unidade de competencia como o agregado mínimo de competencias profesionais, susceptible de recoñecemento e acreditación parcial, para os efectos previstos no artigo 8.3 da Lei orgánica 5/2002, do 19 de xuño, das cualificacións e da formación profesional.

A Lei orgánica 2/2006, do 3 de maio, de educación, establece como un dos seus principios xerais a concepción da educación como unha aprendizaxe permanente, que se desenvolverá ao longo de toda a vida. No seu artigo 66.4, referido á educación para as persoas adultas, determina como un dos seus obxectivos o de conectar as vías de aprendizaxe (ensino regrado ou non regrado, ou a través da experiencia laboral) e o de adoptar as medidas para a validación destas aprendizaxes.

O Real decreto 1224/2009, do 17 de xullo (BOE do 25 de agosto), de recoñecemento das competencias profesionais adquiridas pola experiencia laboral, vén desenvolver o establecido no artigo 8.4 da Lei orgánica 5/2002, do 19 de xuño, das cualificacións e da formación profesional, establecendo o procedemento e os requisitos para a avaliación e a acreditación das competencias profesionais adquiridas polas persoas a través da experiencia laboral ou de vías non formais de formación, así como os seus efectos.

Para a implantación do procedemento en Galicia, o Decreto 332/2009, do 11 de xuño, polo que se establece a estrutura orgánica da Consellería de Educación e Ordenación Universitaria, atribúe á Dirección Xeral de Educación, Formación Profesional e Innovación Educativa as competencias para a promoción e o desenvolvemento do recoñecemento de competencias profesionais nas diferentes familias profesionais que compoñen o Catálogo Nacional de Cualificacións Profesionais. Así mesmo, indica que será a Subdirección Xeral de Orientación Profesional e Relación con Empresas a quen lle corresponde a organización e a coordinación do sistema de recoñecemento, avaliación e acreditación de competencias profesionais.

O Decreto 8/2011, do 28 de xaneiro, polo que se fixa a estrutura orgánica dos órganos da Xunta de Galicia, recolle a Axencia para a Xestión Integrada, Calidade e Avaliación da Formación Profesional, creada pola Lei 3/2002, do 29 de abril, como ente de dereito público adscrito á Consellería de Educación e Ordenación Universitaria, que ten entre as súas funcións a avaliación da competencia profesional da poboación activa no ámbito da Comunidade Autónoma de Galicia.

O Decreto 114/2010, do 1 de xullo, polo que se establece a ordenación xeral da formación profesional do sistema educativo de Galicia, determina no seu artigo 20.2 que as ofertas flexibles para atender as necesidades de cualificación de colectivos específicos poderán realizarse nos réximes e nas modalidades que a consellería con competencias en materia de educación determine, así como a través do proceso de avaliación, recoñecemento e acreditación de competencias.

Así mesmo, no artigo 52 recóllense as validacións de módulos profesionais pola acreditación de unidades de competencia do Catálogo Nacional de Cualificacións Profesionais, indicando que quen teña acreditada unha unidade de competencia que forme parte do Catálogo Nacional de Cualificacións Profesionais terá validados os módulos profesionais correspondentes, segundo se determine na norma que estableza cada título e se recolla na norma pola que se estableza o currículo correspondente. Pola súa banda, o artigo 58.1 di que quen non superase na súa totalidade as ensinanzas de cada un dos ciclos formativos terá dereito a que se lle expida un certificado académico dos módulos profesionais superados, o cal terá, ademais dos efectos académicos, efectos de acreditación parcial acumulable das competencias profesionais adquiridas en relación co Sistema Nacional de Cualificacións e Formación Profesional.

O Consello Galego de Formación Profesional ten como unha das súas funcións emitir informe sobre os plans e as accións que se encamiñen ao recoñecemento e á avaliación da competencia da poboación activa e colaborar na implantación do dispositivo de recoñecemento e avaliación, segundo o disposto no artigo 1, punto k), do Decreto 214/2003, do 20 de marzo, polo que se modifica o Decreto 110/1999, do 8 de abril, polo que se crea e regula o Consello Galego de Formación Profesional.

A Consellería de Educación e Ordenación Universitaria, sensible ás necesidades dos traballadores e traballadoras que demandan unha certificación oficial da súa cualificación, para continuar no desempeño das súas actividades profesionais ou acceder á mobilidade na súa profesión e precisan contar coa acreditación oficial das súas competencias profesionais, vén realizando, desde a súa participación no proxecto ERA no ano 2003, diferentes convocatorias para a acreditación das competencias profesionais adquiridas pola experiencia laboral. No marco do Real decreto 1224/2009, do 17 de xullo, de recoñecemento das competencias profesionais adquiridas por experiencia laboral, realizáronse dúas convocatorias, pola Orde do 1 de setembro de 2009, para 1.600 prazas correspondentes a 64 unidades de competencia e pola Orde do 21 de marzo de 2011, para 3.200 prazas correspondentes a 44 unidades de competencia de diferentes familias profesionais.

Neste sentido, co fin de dar cumprimento ao establecido nas normativas que regulan os sectores en que se desenvolven as familias profesionais obxecto desta convocatoria, correspondentes a títulos de formación profesional implantados en Galicia, e de acordo co procedemento establecido no Real decreto 1224/2009, e ante a importante demanda detectada, esta consellería procede a realizar esta convocatoria para unidades de competencia das familias profesionais de administración e xestión, electricidade e electrónica, enerxía e auga, fabricación mecánica, hostalaría e turismo, industrias alimentarias, madeira e moble, química, sanidade, servizos socioculturais e á comunidade, téxtil, confección e pel e transporte e mantemento de vehículos.

Por todo isto, a Consellería de Educación e Ordenación Universitaria, de conformidade co disposto no artigo 1 do Decreto 332/2009, do 11 de xuño, polo que se establece a súa estrutura orgánica,

DISPÓN:

Artigo 1. Obxecto e ámbito de aplicación.

1. O obxecto desta orde é realizar a convocatoria, no ámbito da Comunidade Autónoma de Galicia, e establecer o procedemento para a avaliación e a acreditación das competencias profesionais adquiridas polas persoas a través da experiencia laboral ou de vías non formais de formación, ao abeiro do Real decreto 1224/2009, do 17 de xullo, de recoñecemento das competencias profesionais adquiridas pola experiencia laboral, mediante a acreditación de unidades de competencia do Catálogo Nacional de Cualificacións Profesionais.

Artigo 2. Estrutura organizativa.

A Dirección Xeral de Educación, Formación Profesional e Innovación Educativa será a encargada da organización e do desenvolvemento do proceso de acreditación de competencias adquiridas pola experiencia laboral e por vías non formais de formación, a través da Subdirección Xeral de Orientación Profesional e Relación con Empresas.

Artigo 3. Lugar de realización (sedes).

O desenvolvemento do proceso terá lugar nos centros integrados de formación profesional (CIFP) recollidos no anexo II desta orde.

Artigo 4. Convocatoria do procedemento.

a) As unidades de competencia obxecto desta convocatoria son as recollidas no anexo I desta orde.

b) No anexo I recóllense os títulos de formación profesional relacionados con cada unidade de competencia e o número de prazas para cada unha delas.

c) A convocatoria será publicada integramente no Diario Oficial de Galicia, e un extracto dela no BOE.

Artigo 5. Comisión coordinadora do procedemento de acreditación de competencias.

1. Con sede na Subdirección Xeral de Orientación Profesional e Relación con Empresas existirá unha comisión de coordinación encargada de:

a) Cualificar a documentación achegada polos solicitantes maiores de 25 anos recollidos no artigo 6.2 desta orde.

b) Coordinar os traballos das distintas comisións de cualificación da documentación constituídas en cada centro sede dos procedementos.

c) Supervisar o procedemento de acreditación de competencia convocado pola presente orde.

2. Esta comisión estará integrada polo titular da Subdirección Xeral de Orientación Profesional e Relación con Empresas como presidente/a, o xefe do Servizo de Orientación Profesional e Relación con Empresas e tres funcionarios da Consellería de Educación e Ordenación Universitaria, un dos cales actuará como secretario.

Artigo 6. Requisitos de participación no procedemento.

1. Para acceder a este procedemento, os candidatos e as candidatas deberán cumprir os requisitos seguintes:

a) Posuír a nacionalidade española, dispor do certificado de rexistro de cidadanía comunitaria ou da tarxeta de familiar de cidadán da Unión Europea, ou ser titular dunha autorización de residencia ou de residencia e traballo en España en vigor, nos termos establecidos na normativa española de estranxeiría e inmigración.

b) Ter cumpridos no momento de realizar a inscrición 18 anos para as unidades de competencia correspondentes a cualificacións de nivel I e 20 anos para as unidades de competencia de nivel II e III.

c) Ter experiencia laboral e/ou formación relacionada coas competencias profesionais que se queiran acreditar.

c.1) No caso de experiencia laboral, xustificar polo menos tres (3) anos, cun mínimo de 2.000 horas traballadas en total, nos últimos dez anos transcorridos antes de realizarse a convocatoria, para unidades de competencia de niveis II e III e, para unidades de competencia de nivel I, xustificarán polo menos 2 anos cun mínimo de 1.200 horas traballadas en total.

c.2) No caso de formación, xustificar polo menos 200 horas para unidades de competencia de nivel I ou 300 horas para as unidades de competencia dos niveis II e III, nos últimos dez anos transcorridos antes de realizarse a convocatoria. Nos casos en que os módulos formativos asociados á unidade de competencia que se pretenda acreditar prevexan unha duración inferior, deberanse acreditar as horas establecidas nestes módulos.

d) As persoas candidatas non poderán estar matriculadas nin cursando simultaneamente un curso de formación profesional inicial (ordinario ou modular), nin para o emprego conducente á acreditación das unidades de competencia en que soliciten a súa inscrición. Tampouco poderán ter completado un curso de formación profesional inicial nin de formación para o emprego polo cal teñan dereito á acreditación directa das mesmas unidades de competencia que agora se convocan. Para todo isto, presentarán declaración xurada, segundo o modelo que figura como anexo IV desta orde de convocatoria.

2. As persoas maiores de 25 anos que cumpran os requisitos de experiencia laboral ou formativa indicados na alínea anterior e que non poidan xustificalos mediante os documentos sinalados, poderán solicitar a súa inscrición provisional no procedemento, sempre e cando presentaran a xustificación mediante algunha proba admitida en dereito, da súa experiencia laboral ou das aprendizaxes non formais de formación. A comisión de coordinación recollida no artigo 5 da presente orde será a encargada de estudar estes casos, e emitirá un informe sobre a procedencia ou non da participación da persoa candidata no procedemento. Se o informe é positivo, procederase á súa inscrición definitiva como solicitante na correspondente sede.

Artigo 7. Xustificación do historial profesional e/ou formativo.

1. A xustificación da experiencia laboral farase cos seguintes documentos:

a) Para traballadores e traballadoras asalariados.

a.1) Certificación da Tesouraría Xeral da Seguridade Social, do Instituto Social da Mariña ou da mutualidade laboral en que se teña afiliación, onde conste a empresa, o grupo de cotización e o período de contratación (vida laboral).

a.2) Contrato de traballo ou certificación da empresa en que se adquirira a experiencia laboral, que reflicta especificamente a duración dos períodos de prestación de servizos, a categoría laboral, a actividade desenvolvida e o período en que se realizara a devandita actividade. A certificación presentarase segundo o modelo de anexo VI desta orde.

b) Para traballadores e traballadoras autónomos ou por conta propia.

b.1) Certificación da Tesouraría Xeral da Seguridade Social ou do Instituto Social da Mariña, dos períodos de alta na Seguridade Social no réxime especial correspondente (vida laboral).

b.2) Descrición da actividade desenvolvida e o intervalo de tempo en que esta se realizou segundo o modelo establecido no devandito anexo VI.

c) Para voluntarios ou bolseiros.

Certificación da organización onde se prestou a asistencia, onde consten especificamente as actividades e as funcións realizadas, o ano en que se realizaron e o número total de horas dedicadas a elas.

2. Xustificación da formación.

Para as competencias profesionais adquiridas a través de vías non formais de formación, a xustificación realizarase mediante documento que acredite que a persoa candidata posúe formación relacionada coas unidades de competencia que se pretenda acreditar.

En cada certificado achegado deberán constar os contidos e as horas de formación, a entidade que expide o certificado e o título da actividade de formación. No caso de ter realizados estudos parciais para a obtención dun título oficial ou certificado de profesionalidade pertencente a plans de formación extinguidos, débese presentar o correspondente certificado expedido polo centro oficial responsable.

3. Deberase achegar necesariamente a tradución oficial de todos os documentos que non estean redactados nas linguas galega ou castelá.

Artigo 8. Presentación de solicitudes e inscrición.

1. A solicitude de participación no procedemento farase empregando a aplicación informática subministrada pola Consellería de Educación e Ordenación Universitaria, que se atopa no enderezo http://www.edu.xunta.es/acreditacion. A solicitude conforme o modelo anexo III desta orde, logo de ser cuberta e xerada pola aplicación, deberase imprimir para a súa presentación, dirixida á secretaría dos centros onde se vaia desenvolver o proceso, segundo o establecido no anexo II desta orde.

2. O prazo de presentación de solicitudes será desde o 16 de xaneiro de 2012 ao 15 de febreiro de 2012.

3. Xunto coa solicitude, deberase presentar a seguinte documentación:

– Historial profesional e/ou formativo de acordo co currículo europeo.

– Calquera outra documentación de carácter laboral e/ou formativo que sirva como proba potencial da competencia que se pretenda demostrar.

– A presentación da fotocopia do DNI ou, no caso de persoas estranxeiras, NIE ou autorización de residencia ou de residencia e traballo en vigor en España, só será necesaria en caso de que a persoa solicitante non autorice a consulta de datos no Sistema de Verificación de Datos de Identidade do Ministerio da Presidencia.

– Certificado acreditativo de discapacidade en vigor, para as persoas aspirantes con algunha discapacidade que soliciten algún tipo de adaptación.

4. Deberase achegar necesariamente a tradución oficial de todos os documentos que non estean redactados nas linguas galega ou castelá.

5. A falsidade nos datos achegados ou declarados suporá a exclusión do procedemento.

6. Cada participante cubrirá unha única solicitude. Poderá elixir unha ou varias unidades de competencia das que se convocan, sempre que estean incluídas nun mesmo ciclo formativo e se desenvolvan nunha mesma sede.

Artigo 9. Admisión de candidatos e candidatas.

a) Listaxes de persoas solicitantes.

1. Para a revisión e análise dos documentos presentados polos solicitantes existirá en cada sede unha comisión encargada da cualificación da documentación, que estará integrada polo xefe do departamento de acreditación e probas, que actuará como presidente, e ata un máximo de cinco persoas, seleccionadas por este, entre o persoal que presta servizos no centro sede.

2. As solicitudes recibidas en cada centro sede serán remitidas á comisión indicada no punto anterior, para a comprobación dos requisitos dos solicitantes.

3. A comisión constituída en cada sede para a cualificación da documentación será a encargada da publicación das listaxes de solicitantes correspondentes á súa sede, para o que contará cun mes desde o remate do prazo de presentación de solicitudes.

4. As listaxes de persoas solicitantes serán publicadas en cada sede correspondente e na páxina web http://www.edu.xunta.es/fp

b) Emenda da documentación achegada.

1. Os solicitantes contarán cun prazo de 10 días naturais contados dende o seguinte ao de publicación das listaxes de solicitantes para emendar e completar a documentación previamente alegada na solicitude.

2. Só serán tidos en conta para os efectos de determinación da prioridade de acceso ao procedemento, nos casos en que exista maior número de demandantes que de prazas ofertadas, os méritos de experiencia o formación cos que conte o solicitante na data de finalización do prazo de presentación de solicitudes.

c) Listaxes provisionais de persoas admitidas.

1. As solicitudes previamente revisadas pola comisión encargada da cualificación da documentación en cada sede serán remitidas ás correspondentes comisións de avaliación para a súa baremación e a publicación das listaxes provisionais de persoas admitidas e excluídas.

2. As listaxes provisionais de persoas admitidas e excluídas para cada unidade de competencia publicaranse a partir do dia 30 de marzo de 2012, con indicación da causa de exclusión, nos lugares indicados na letra a) 4 deste mesmo artigo.

3. De existir maior número de persoas que cumpran os requisitos establecidos que número de prazas convocadas, as comisións de avaliación aplicaran os criterios de selección segundo o baremo recollido no anexo V desta orde, e publicarase a relación de admitidos coa correspondente puntuación.

4. As persoas aspirantes poderán presentar reclamacións contra as listaxes provisionais de persoas admitidas, no prazo de dez días naturais contados a partir do día seguinte ao da súa publicación, dirixidas aos mesmos lugares onde se remitise a solicitude.

d) Listaxes definitivas de persoas admitidas.

1. A partir de dous meses desde o remate do prazo de presentación de solicitudes publicarase a relación definitiva de persoas admitidas nos lugares indicados para as listaxes provisionais.

2. Os candidatos admitidos estarán en disposición de pasar ás fases de asesoramento e avaliación.

3. O resto de solicitantes quedará en situación de reserva para cubrir, segundo a orde de puntuación que alcanzasen, os abandonos e as renuncias que se produzan.

4. Contra esta resolución poderase interpor recurso de alzada ante o conselleiro de Educación e Ordenación Universitaria.

e) Os solicitantes que non pasasen as fases de asesoramento e avaliación por insuficiente número de prazas poderán presentarse ao procedemento nas seguintes convocatorias mantendo a puntuación, sen necesidade de achegar a documentación xa alegada na primeira convocatoria á que se presentaran desde a publicación da presente orde, e poderán engadir os novos méritos de experiencia ou formación alcanzados.

Artigo 10. Servizos de información e orientación.

A Consellería de Educación e Ordenación Universitaria garantirá un servizo aberto e permanente que facilite información e orientación a todas as persoas que a soliciten.

1. Esta información e orientación será facilitada polos departamentos de orientación dos centros integrados de formación profesional e nos centros de formación profesional de titularidade pública dependentes da Administración educativa.

2. En cada punto de información existirá, polo menos, un profesional (orientador ou orientadora) para o desenvolvemento destas funcións.

3. Funcións:

a) Informar sobre o proceso de avaliación e recoñecemento das competencias profesionais para que se poida seguir adecuadamente, e tamén sobre a formalización e a presentación da documentación pertinente.

b) Elaborar, no caso de orientadores ou orientadoras dos centros onde se desenvolva o procedemento, un plan de formación para as persoas candidatas, onde se fará constar, segundo proceda:

– As posibilidades de formación, coas orientacións pertinentes, para que poidan acreditar en convocatorias posteriores as unidades de competencia das que solicitasen a súa acreditación.

– As posibilidades de formación, coas orientacións pertinentes, para completar a formación conducente á obtención dun título de formación profesional ou certificado de profesionalidade relacionado con elas.

Artigo 11. Fases do procedemento.

A instrución do procedemento desenvolverase nas seguintes fases:

1. Asesoramento.

2. Avaliación da competencia profesional.

3. Acreditación e rexistro da competencia profesional.

Artigo 12. Primeira fase: asesoramento.

1. A fase de asesoramento comezará o día seguinte ao da publicación das listaxes definitivas de persoas admitidas e terá que estar rematada no prazo máximo de dous meses. O asesor ou a asesora seguirá o procedemento establecido na guía de asesoría que se lle entregará previamente.

2. Esta fase será obrigatoria, polo que o candidato que non a realice perderá o dereito a participar na fase de avaliación.

3. Cando a persoa candidata decida non pasar a fase de avaliación, por entender que despois do asesoramento non ten evidencias de competencia, o asesor ou a asesora informará o departamento de orientación para que este, de ser o caso, elabore un plan de formación específico en función dos seus intereses e das súas expectativas.

4. Realización do asesoramento:

a) Nunha primeira reunión, que poderá ser grupal, informarase as persoas candidatas sobre o proceso concreto de avaliación e acreditación, e sobre os principais contidos das unidades de competencia correspondentes. Así mesmo, entregaráselles a documentación da fase de asesoramento e faráselles unha explicación sobre ela.

b) Na primeira entrevista individual axudaráselle a persoa candidata a cubrir o cuestionario de autoavaliación e demais documentación da fase de asesoramento, para que poida explicitar as competencias e as aprendizaxes que adquiriu, e motivarase para proseguir neste proceso como un proceso de aprendizaxe permanente ao longo da vida.

5. O asesor ou a asesora, contrastando os contidos do cuestionario de autoavaliación, do historial formativo e/ou profesional da persoa candidata, e do expediente de competencias, realizará un informe asinado, destinado á comisión de avaliación, que terá carácter orientativo, onde indicará motivadamente se considera que hai ou non evidencias suficientemente xustificadas da competencia da persoa candidata en cada unha das unidades de competencia e, doutra banda, indicaralle a conveniencia de pasar ou non á fase de avaliación.

– Se o informe é positivo (considera que hai evidencias suficientes sobre a competencia da persoa candidata), o asesor ou a asesora trasladará á comisión de avaliación o informe elaborado, así como toda a documentación achegada pola persoa candidata.

– Se o informe é negativo, o asesor ou a asesora indicaralle á persoa candidata a formación complementaria que poderá realizar, así como os centros onde se ofrece.

– O informe do asesor ou a asesora non é vinculante, polo que a persoa candidata poderá decidir pasar á fase de avaliación. Neste caso, o asesor ou a asesora tamén trasladará á comisión de avaliación o seu informe, xunto coa documentación referida.

Artigo 13. Segunda fase: avaliación da competencia profesional.

1. Esta fase comezará para cada candidata/o ao remate da fase de asesoramento e deberá estar rematada antes do 31 de xullo de 2012. Os resultados serán publicados na páxina web http://www.edu.xunta.es/fp

2. A avaliación, en cada unha das unidades de competencia en que estea inscrita a persoa candidata, terá por obxecto comprobar se esta demostra a competencia profesional requirida nas realizacións profesionais, nos niveis establecidos nos criterios de realización e nunha situación de traballo, real ou simulada, fixada a partir do contexto profesional.

3. A comisión de avaliación realizará un plan de avaliación en que constarán, polo menos, as actividades e os métodos de avaliación que se vaian aplicar, tendo en conta as guías de evidencias.

– O proceso de avaliación iniciarao a comisión de avaliación coa análise do informe do asesor ou a asesora, e de todas as evidencias indirectas que se obteñan da documentación achegada pola persoa candidata en cada unidade de competencia.

– Utilizaranse para a obtención das evidencias directas os métodos que se consideren necesarios para comprobar o explicitado pola persoa solicitante na documentación achegada, segundo as guías de evidencias: a observación da persoa candidata no posto de traballo, simulacións, probas estandarizadas de competencia profesional ou a entrevista profesional.

– A comisión informará a persoa candidata sobre as actividades e os métodos de avaliación, así como os lugares e as datas previstas para a súa realización. Cando a comisión de avaliación o considere necesario, poderá requirirlle a información complementaria que considere necesaria ou solicitar novas evidencias directas adicionais.

– O plan individualizado de avaliación será asinado pola persoa candidata antes do inicio do seu desenvolvemento. De cada actividade de avaliación realizada quedará un rexistro asinado pola persoa aspirante e o avaliador ou a avaliadora.

4. Resultados do proceso de avaliación.

– Rematada a etapa de avaliación, completarase o expediente de evidencias, que recollerá os resultados e os rexistros producidos ao longo do procedemento e que deberá estar custodiado durante o período regulamentario para atender os posibles procesos de reclamación nas sedes onde se desenvolva o proceso.

– A comisión de avaliación valorará, de xeito inapelable, os resultados do proceso e emitirá o xuízo da competencia da persoa candidata, expresado en termos de demostrada ou non demostrada, o que fará constar nunha acta asinada por todos os membros da comisión de avaliación, segundo o modelo do anexo VII desta orde.

– A comisión de avaliación elaborará un informe individualizado de cada persoa candidata, onde indique os resultados da avaliación das competencias profesionais, así como a proposta de formación.

– O presidente ou a presidenta da comisión de avaliación serán responsables de informar por escrito as persoas candidatas avaliadas dos resultados da avaliación. Así mesmo, informarán da forma e os prazos para exercer o dereito de reclamación ante a comisión de avaliación e, de ser o caso, a presentar os recursos administrativos que procedan.

– Os candidatos poderán presentar reclamación perante a comisión de avaliación no prazo de 10 días contados desde o seguinte ao de recepción do escrito de comunicación do resultado do proceso de avaliación. Contra a decisión da comisión avaliadora poderá presentarse recurso de alzada perante o conselleiro de Educación e Ordenación Universitaria, segundo o establecido na Lei 30/1992, do 26 de novembro, de réxime xurídico das administracións públicas e do procedemento administrativo común.

5. O incumprimento grave, por parte da persoa solicitante de recoñecemento, das normas de prevención, protección e seguridade que cumpra aplicar en cada proba provocará a súa interrupción e a exclusión do procedemento.

6. Principios para a avaliación.

a) A avaliación baseada na competencia consiste basicamente na acumulación de suficientes probas de evidencia que permitan inferir con toda confianza a competencia da persoa candidata.

b) A decisión da avaliación non poderá estar baseada exclusivamente no historial profesional nin formativo, senón que deberá complementarse con evidencias de competencia recollidas por distintos métodos (directos e indirectos).

c) No desenvolvemento do proceso de avaliación da competencia profesional deberase procurar preservar a autoestima das persoas.

d) Os modos de recollida de evidencias de competencia especificaranse nas guías de evidencias e deberán ter diferentes orixes: historial profesional e formativo, traballos e proxectos realizados pola persoa candidata, observación no posto de traballo, conversas profesionais, simulacións e probas profesionais.

e) Cando as evidencias presentadas na fase de asesoramento non sexan suficientes, a comisión de avaliación planificará a recollida de evidencias complementarias seguindo o plan de avaliación xeral realizado pola comisión de avaliación, tendo en conta as orientacións da guía de evidencias. A planificación da avaliación será personificada para cada candidato ou candidata, e recollerá as actividades de avaliación coa identificación dos métodos de avaliación para utilizar, así como as datas e os lugares previstos. O plan de avaliación deberá ser pactado coa persoa candidata, incluíndo a data e o lugar en que se vaia levar a cabo.

f) Na avaliación deberanse aplicar de xeito combinado distintos modos de validar a competencia profesional.

Cando sexa posible, atendendo á situación laboral da persoa traballadora, deberáselle dar prioridade á observación no posto de traballo como método de recollida de evidencias de competencia.

g) Haberá un rexistro de cada actividade, que estará asinado polo avaliador ou a avaliadora, e pola persoa candidata.

Artigo 14. Terceira fase: acreditación e rexistro da competencia profesional.

1. A acreditación das unidades de competencia realizaraa a Consellería de Educación e Ordenación Universitaria segundo proposta da comisión de avaliación, consonte o modelo que figura no anexo VIII desta orde.

2. A expedición da acreditación de unidades de competencia terá efectos de acreditación parcial acumulable e de validación da formación referida á devandita unidade de competencia nos títulos de formación profesional e de exención nos certificados de profesionalidade:

– A Consellería de Educación e Ordenación Universitaria recoñecerá as unidades de competencia acreditadas que producirán efectos de validación dos módulos profesionais correspondentes, segundo a normativa vixente, e que se establece en cada título.

– A Consellería de Traballo e Benestar recoñecerá as unidades de competencia acreditadas, que producirán efectos de exención dos módulos formativos asociados ás unidades de competencia dos certificados de profesionalidade, segundo a normativa vixente, e que se establece en cada un dos certificados.

3. As acreditacións concedidas teñen carácter oficial, con validez en todo o territorio do Estado. Terán os efectos académicos e profesionais previstos na lexislación vixente no tocante a exencións, correspondencias e validacións.

4. O rexistro das acreditacións de unidades de competencia realizarase de acordo co procedemento establecido no artigo 18 do Real decreto 1224/2009, do 17 de xullo, de recoñecemento das competencias profesionais adquiridas pola experiencia laboral.

Artigo 15. Comisión de avaliación. Composición.

1. A comisión de avaliación será o órgano decisorio no proceso de avaliación da competencia e xulga a competencia das persoas candidatas tendo en conta as evidencias obtidas na fase de asesoramento e as obtidas na fase de avaliación. Ademais, é o órgano responsable de levar a cabo a preparación das probas de competencia, de facer o seguimento do seu desenvolvemento e da avaliación dos seus resultados.

A Dirección Xeral de Educación, Formación Profesional e Innovación Educativa nomeará as comisións de avaliación necesarias para levar a cabo o proceso de avaliación das diferentes unidades de competencia para as cales se convoca o procedemento de avaliación e acreditación.

2. Composición das comisións de avaliación.

a) A comisión de avaliación estará constituída polo menos por cinco membros, dos que un debe ocupar a presidencia, outro desempeñará o cargo de secretario ou secretaria, e os tres restantes serán vogais. Todos estes membros terán que dispor da habilitación como avaliadores ou avaliadoras outorgada pola Administración educativa ou laboral, para participaren no procedemento de recoñecemento, avaliación e acreditación da competencia profesional.

b) Garantirase a presenza de avaliadores e avaliadoras tanto do sector formativo como do produtivo. Excepcionalmente, poderanse designar comisións de avaliación en que falte algún dos sectores, se iso impedise a realización da fase de avaliación.

c) A comisión de avaliación poderá propor a incorporación de profesionais cualificados en calidade de expertos, con voz e sen voto, que serán nomeados pola Dirección Xeral de Educación, Formación Profesional e Innovación Educativa.

d) A presidencia recaerá nun empregado público da Administración e deberá ter unha experiencia laboral ou docente no ámbito profesional específico de, polo menos, seis anos ou actuar durante dous anos como persoal asesor ou avaliador neste procedemento. Será responsable das actuacións da comisión e da coordinación entre as fases do proceso.

e) A secretaría recaerá nun empregado público da Administración e encargarase de efectuar a convocatoria das sesións por orde da presidencia, redactar as actas das sesións, dar fe dos acordos tomados pola comisión de avaliación e cantas outras funcións sexan inherentes ao seu cargo.

f) Para protexer a imparcialidade e o rigor técnico da avaliación, as actuacións das comisións de avaliación estarán suxeitas á Lei 30/1992, do 26 de novembro, de réxime xurídico das administracións públicas e do procedemento administrativo común.

Artigo 16. Requisitos, formación e habilitación.

1. A habilitación do persoal asesor e/ou avaliador farase atendendo a criterios de experiencia e formación específica, segundo os criterios que se establecen a continuación:

a) Ter unha experiencia de polo menos catro anos nalgún dos seguintes colectivos:

– Profesorado, con atribución docente na familia profesional correspondente, pertencente aos corpos de catedráticos, profesorado de ensino secundario ou profesorado técnico de formación profesional.

– Formadores ou formadoras con especialización nas unidades de competencia que se especifiquen.

– Profesionais expertos nas unidades de competencia que se especifiquen.

b) Superar un curso de formación específica organizado e supervisado pola Administración educativa, tomando como referente os contidos establecidos no Real decreto 1224/2009, de recoñecemento das competencias profesionais adquiridas pola experiencia laboral.

2. As persoas habilitadas poderán actuar como persoal asesor ou avaliador nas comisións de avaliación, e deberán ser nomeadas en cada convocatoria.

3. As persoas designadas como persoal asesor non poderán participar como avaliadoras nunha mesma convocatoria de avaliación e acreditación, e viceversa.

Artigo 17. Instrumentos de apoio.

1. O proceso de avaliación das competencias profesionais require unha serie de instrumentos que fagan posible o seu desenvolvemento coa calidade e o rigor necesarios, como son:

– Un manual de procedemento, integrado por unha guía da persoa candidata, unha guía para o asesor ou a asesora, e unha guía do avaliador ou a avaliadora, que deberá elaborar o órgano responsable da Administración educativa e/ou laboral.

– Cuestionarios de autoavaliación, que constitúen un dos elementos prescritivos na fase de asesoramento. Van permitir traducir a competencia da persoa candidata a termos de realizacións e criterios de realización das unidades ou dos ámbitos de competencia que constitúen o referente neste proceso.

– Guía de evidencias, para cada unidade de competencia, onde se especifiquen as fontes e os métodos de obtención da evidencia, que vai constituír a directriz no contraste de competencias. Consideraranse como fontes de evidencia o traballo actual da persoa candidata, as simulacións, os seus logros anteriores e as conversas profesionais. Deberanse concretar as técnicas de obtención de evidencias e os criterios de avaliación, en cada caso.

– Plan de avaliación, que deberán elaborar as comisións de avaliación e que permitirá realizar o plan de avaliación individualizado para cada persoa.

2. A Consellería de Educación e Ordenación Universitaria contextualizará, de ser o caso, segundo as características e as necesidades propias da nosa comunidade autónoma, os documentos básicos elaborados pola Administración xeral do Estado en colaboración coas comunidades autónomas.

Artigo 18. Seguimento do procedemento.

A avaliación final do procedemento correspóndelle ao Consello Galego de Formación Profesional ou, de ser o caso, á comisión técnica designada por el, sen prexuízo dos aspectos que sexan competencia exclusiva doutros órganos da Administración da Comunidade Autónoma de Galicia.

Artigo 19. Permisos individuais de formación.

As persoas que estean a traballar poderán utilizar os permisos individuais de formación para participar nas fases de asesoramento e avaliación deste procedemento, de acordo co que establece o Ministerio de Traballo e Inmigración, en desenvolvemento do artigo 12 do Real decreto 395/2007, polo que se regula o subsistema de formación profesional para o emprego.

Artigo 20. Financiamento.

1. Esta convocatoria financiarase con cargo ás aplicacións orzamentarias da Consellería de Educación e Ordenación Universitaria.

2. As persoas que participen nesta convocatoria estarán exentas do aboamento de taxas administrativas.

Artigo 21.

Calquera tratamento de datos de carácter persoal que se leve a cabo durante a tramitación do procedemento respectará o disposto na Lei orgánica 15/1999, do 13 de decembro, de protección de datos de carácter persoal.

Disposición derradeira primeira. Desenvolvemento normativo.

Autorízase a Dirección Xeral de Educación, Formación Profesional e Innovación Educativa para adoptar as medidas precisas para a execución desta orde.

Disposición derradeira segunda. Entrada en vigor.

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 29 de decembro de 2011.

Jesús Vázquez Abad
Conselleiro de Educación e Ordenación Universitaria

ANEXO I

Relación de unidades de competencia e prazas obxecto de acreditación,
asociadas a cualificacións profesionais, ciclos de grao medio
e superior e familias profesionais

Ciclo	Cód. cualificación	Cualificación	Cód. UC	Unidade de competencia	Prazas
Administración e xestión
CM Xestión administrativa	ADG308_2	Actividades de xestión administrativa	UC0233_2	Manexar aplicacións ofimáticas na xestión da información e da documentación	40
			UC0973_1	Introducir datos e textos en terminais informáticos en condicións de seguridade, calidade e eficiencia	40
			UC0976_2	Realizar as xestións administrativas do proceso comercial	40
			UC0978_2	Xestionar o arquivo en soporte convencional e informático	40
			UC0979_2	Realizar as xestións administrativas de tesouraría	40
			UC0980_2	Efectuar as actividades de apoio administrativo de recursos humanos	40
			UC0981_2	Realizar rexistros contables	40
Ciclo	Cód. cualificación	Cualificación	Cód. UC	Unidade de competencia	Prazas
Electricidade e electrónica
CM Instalacións eléctricas e automáticas	ELE043_2	Montaxe e mantemento de infraestruturas de telecomunicacións de edificios	UC0120_2	Montar e manter instalacións de captación de sinais de radiodifusión sonora e televisión en edificios ou conxuntos de edificacións (antenas e vía cable)	100
			UC0121_2	Montar e manter instalacións de acceso ao servizo de telefonía dispoñible ao público e instalacións de control de acceso (telefonía interior e videoportaría)	100
	ELE257_2	Montaxe e mantemento de instalacións eléctricas de baixa tensión	UC0820_2	Montar e manter instalacións eléctricas de baixa tensión en edificios destinados principalmente a vivendas	100
			UC0821_2	Montar e manter instalacións eléctricas de baixa tensión en edificios comerciais, de oficinas e dunha industria ou de varias	100
			UC0822_2	Montar e manter instalacións de automatismos no ámbito de vivendas e pequena industria	100
			UC0823_2	Montar e manter redes eléctricas aéreas de baixa tensión	100
			UC0824_2	Montar e manter redes eléctricas subterráneas de baixa tensión	100
			UC0825_2	Montar e manter máquinas eléctricas	100
CM Instalacións de telecomunicacións	ELE043_2	Montaxe e mantemento de infraestruturas de telecomunicacións de edificios	UC0120_2	Montar e manter instalacións de captación de sinais de radiodifusión sonora e televisión en edificios ou conxuntos de edificacións (antenas e vía cable)	40
			UC0121_2	Montar e manter instalacións de acceso ao servizo de telefonía dispoñible ao público e instalacións de control de acceso (telefonía interior e videoportaría)	40
	ELE188_2	Montaxe e mantemento de instalacións de megafonía, sonorización de locais e circuíto pechado de televisión	UC0597_2	Montar e manter instalacións de megafonía e sonorización de locais	40
			UC0598_2	Montar e manter instalacións de circuíto pechado de televisión	40
	ELE189_2	Montaxe e mantemento de sistemas de telefonía e infraestruturas de redes locais de datos	UC0599_2	Montar e manter sistemas de telefonía con centraliñas de baixa capacidade	40
			UC0600_2	Montar e manter infraestruturas de redes locais de datos	40
Ciclo	Cód. cualificación	Cualificación	Cód. UC	Unidade de competencia	Prazas
Enerxía e auga
CS Eficiencia enerxética e enerxía solar térmica	ENA358_3	Eficiencia enerxética de edificios	UC0842_3	Determinar a viabilidade de proxectos de instalacións solares	75
			UC1194_3	Avaliar a eficiencia enerxética das instalacións de edificios	75
			UC1195_3	Colaborar no proceso de certificación enerxética de edificios	75
			UC1196_3	Xestionar o uso eficiente da auga en edificacións	75
			UC1197_3	Promover o uso eficiente da enerxía	75
Fabricación mecánica
CM Soldadura e caldeiraría	FME035_2	Soldadura	UC0099_2	Realizar soldaduras con arco eléctrico con eléctrodo revestido	100
			UC0098_2	Realizar soldaduras e proxeccións térmicas por oxigás	100
			UC0100_2	Realizar soldaduras con arco baixo gas protector con eléctrodo non consumible (TIG)	100
			UC0101_2	Realizar soldaduras con arco baixo gas protector con eléctrodo consumible (MIG, MAG) e proxeccións térmicas con arco	100
	FME351_2	Fabricación e montaxe de instalacións de tubaxe industrial	UC1142_2	Trazar e mecanizar tubaxes	100
			UC1143_2	Conformar e armar tubaxes	100
			UC1144_2	Montar instalacións de tubaxe	100
Ciclo	Cód. cualificación	Cualificación	Cód. UC	Unidade de competencia	Prazas
Hostalaría e turismo
CM Cociña e gastronomía	INA015_2	Panadaría e bolaría	UC0036_2	Aplicar a normativa de seguridade, hixiene e protección ambiental na industria panadeira	100
	HOT093_2	Cociña	UC0259_2	Definir ofertas gastronómicas, realizar o aprovisionamento e controlar consumos	100
			UC0260_2	Preelaborar e conservar calquera clase de alimentos	100
			UC0261_2	Preparar elaboracións básicas de múltiples aplicacións e pratos elementais	100
			UC0262_2	Preparar e presentar os platos máis significativos das cociñas rexionais de España e da cociña internacional	100
	INA107_2	Pastelaría e confeitaría	UC0310_2	Aplicar a normativa de seguridade, hixiene e protección ambiental na industria alimentaria	100
	HOT223_2	Repostaría	UC0306_2	Realizar e/ou controlar as operacións de elaboración de masas, pastas e produtos básicos de múltiples aplicacións para pastelaría e repostaría	100
			UC0709_2	Definir ofertas sinxelas de repostaría, realizar o aprovisionamento interno e controlar consumos	100
			UC0710_2	Elaborar e presentar produtos feitos a base de masas e pastas, sobremesas de cociña e xeados	100
			UC0711_2	Actuar baixo normas de seguridade, hixiene e protección ambiental en hostalaría	100
CM Servizos en restauración	INA015_2	Panadaría e bolaría	UC0036_2	Aplicar a normativa de seguridade, hixiene e protección ambiental na industria panadeira	100
	HOT093_2	Cociña	UC0259_2	Definir ofertas gastronómicas, realizar o aprovisionamento e controlar consumos	100
	INA107_2	Pastelaría e confeitaría	UC0310_2	Aplicar a normativa de seguridade, hixiene e protección ambiental na industria alimentaria	100
	HOT223_2	Repostaría	UC0711_2	Actuar baixo normas de seguridade, hixiene e protección ambiental en hostalaría	100
	HOT328_2	Servizos de restaurante	UC1052_2	Desenvolver os procesos de servizo de alimentos e bebidas en sala	100
			UC1048_2	Servir viños e prestar información básica sobre eles	100
			UC1053_2	Elaborar e acabar pratos á vista da clientela	100
			UC0711_2	Actuar baixo normas de seguridade, hixiene e protección ambiental en hostalaría	100
			UC1054_2	Dispor de todo tipo de especialidades na restauración	100
			UC1051_2	Comunicarse en inglés, nun nivel de usuario básico, en servizos de restauración	100
CS Xestión de aloxamentos turísticos	HOT094_3	Recepción	UC0263_3	Executar e controlar o desenvolvemento de accións comerciais e reservas	25
			UC0264_3	Realizar as actividades propias da recepción	25
			UC0265_3	Xestionar departamentos da área de aloxamento	25
			UC1057_2	Comunicarse en inglés, cun nivel de usuario independente, nas actividades turísticas	25
Ciclo	Cód. cualificación	Cualificación	Cód. UC	Unidade de competencia	Prazas
Industrias alimentarias
CM Aceites de oliva e viños	INA174_2	Elaboración de viños e licores	UC0314_2	Controlar o proceso de envasamento e acondicionamento de bebidas	25
			UC0548_2	Controlar a materia prima e preparar as instalacións e a maquinaria de adega	25
			UC0549_2	Controlar as fermentacións e o acabamento dos viños	25
			UC0550_2	Realizar vinificacións especiais	25
			UC0551_2	Conducir o proceso de destilación e elaborar augardentes e licores	25
Madeira, moble e cortiza
CM Carpintaría e moble	MAM058_2	Mecanizado de madeira e derivados	UC0160_2	Preparar máquinas e equipamentos de taller	40
			UC0161_2	Preparar máquinas e equipamentos de taller industrializados	40
			UC0162_1	Mecanizar madeira e derivados	40
Ciclo	Cód. cualificación	Cualificación	Cód. UC	Unidade de competencia	Prazas
Química
CS Laboratorio de análise e control de calidade	QUI117_3	Análise química	UC0052_3	Organizar e xestionar a actividade do laboratorio aplicando os procedementos e as normas específicas	40
			UC0053_3	Organizar o plan de mostraxe e realizar a toma de mostras	40
			UC0341_3	Realizar análises por métodos químicos, avaliar os resultados e informar deles	40
			UC0342_3	Aplicar técnicas instrumentais para a análise química, avaliar os resultados e informar deles	40
Ciclo	Cód. cualificación	Cualificación	Cód. UC	Unidade de competencia	Prazas
Sanidade
CM Emerxencias sanitarias	SAN025_2	Transporte sanitario	UC0069_1	Manter preventivamente o vehículo sanitario e controlar a súa dotación material	200
			UC0070_2	Prestarlle ao paciente soporte vital básico e apoio ao soporte vital avanzado	200
			UC0071_2	Trasladar o paciente ao centro sanitario útil	200
			UC0072_2	Aplicar técnicas de apoio psicolóxico e social en situacións de crise	200
	SAN122_2	Atención sanitaria a múltiples vítimas e catástrofes	UC0072_2	Aplicar técnicas de apoio psicolóxico e social en situacións de crise	200
			UC0360_2	Colaborar na organización e no desenvolvemento da loxística sanitaria en escenarios con múltiples vítimas e catástrofes, asegurando o abastecemento e a xestión de recursos e apoiando os labores de coordinación en situacións de crise	200
			UC0361_2	Prestar atención sanitaria inicial a múltiples vítimas	200
			UC0362_2	Colaborar na preparación e na execución de plans de emerxencias e de dispositivos de risco previsible	200
CM Farmacia e parafarmacia	SAN123_2	Farmacia	UC0363_2	Controlar os produtos e os materiais, a facturación e a documentación en establecementos e servizos de farmacia	240
			UC0364_2	Asistir na dispensación de produtos farmacéuticos, informando as persoas usuarias sobre a súa utilización e determinando parámetros somatométricos sinxelos, baixo a supervisión de persoal facultativo	240
			UC0365_2	Asistir na dispensación de produtos sanitarios e parafarmacéuticos, informando as persoas usuarias sobre a súa utilización, baixo a supervisión de persoal facultativo	240
			UC0366_2	Asistir na elaboración de fórmulas maxistrais, preparacións oficinais, dietéticas e cosméticas, baixo a supervisión de persoal facultativo	240
			UC0367_2	Asistir na realización de análises clínicas elementais e normalizadas, baixo a supervisión de persoal facultativo	240
			UC0368_2	Colaborar na promoción e na protección da saúde, na prevención de doenzas e na educación sanitaria, baixo a supervisión de persoal facultativo	240
Ciclo	Cód. cualificación	Cualificación	Cód. UC	Unidade de competencia	Prazas
Servizos socioculturais e á comunidade
CS Educación infantil	SSC322_3	Educación infantil	UC1027_3	Establecer e manter relacións fluídas coa comunidade educativa e coordinarse coas familias, co equipo educativo e con outros profesionais	125
			UC1028_3	Programar, organizar, realizar e avaliar procesos de intervención educativa de centro e de grupo de cativos e cativas	125
			UC1029_3	Desenvolver programas de adquisición e adestramento en hábitos de autonomía e saúde, e programas de intervención en situacións de risco	125
			UC1030_3	Promover e pór en práctica situacións de xogo como eixe da actividade e do desenvolvemento infantil	125
			UC1031_3	Desenvolver os recursos expresivos e comunicativos do neno e da nena como medio de crecemento persoal e social	125
			UC1032_3	Desenvolver accións para favorecer a exploración do contorno a través do contacto cos obxectos, e as relacións do cativo e da cativa cos seus iguais e coas persoas adultas	125
			UC1033_3	Definir, secuenciar e avaliar aprendizaxes, interpretadas no contexto do desenvolvemento infantil de cero a seis anos	125
Ciclo	Cód. cualificación	Cualificación	Cód. UC	Unidade de competencia	Prazas
Téxtil, confección e pel
CM Confección e moda	TCP070_2	Ensamblaxe de materiais	UC0195_2	Recoñecer materias primas e produtos de confección, calzado e marroquinaría	40
			UC0196_2	Ensamblar pezas de tecidos e laminados	40
			UC0197_2	Ensamblar pezas de peles e coiros	40
Ciclo	Cód. cualificación	Cualificación	Cód. UC	Unidade de competencia	Prazas
Transporte e mantemento de vehículos
CM Electromecánica de vehículos automóbiles	TMV047_2	Mantemento de sistemas de transmisión de forza e trens de rodaxe de vehículos automóbiles	UC0130_2	Manter os sistemas hidráulicos e pneumáticos, de dirección e de suspensión	140
			UC0131_2	Manter os sistemas de transmisión e freos	140
	TMV048_2	Mantemento do motor e dos seus sistemas auxiliares	UC0132_2	Manter o motor térmico	140
			UC0133_2	Manter os sistemas auxiliares do motor térmico	140
	TMV197_2	Mantemento dos sistemas eléctricos e electrónicos de vehículos	UC0626_2	Manter os sistemas de carga e arranque de vehículos	20
			UC0627_2	Manter os circuítos eléctricos auxiliares de vehículos	20
			UC0628_2	Manter os sistemas de seguridade e confortabilidade de vehículos	20

ANEXO II

Relación de centros onde se vai desenvolver o proceso de recoñecemento,
avaliación e acreditación da competencia profesional

Familia profesional	Ciclo formativo	Código sede	Sede do tribunal avaliador	Enderezo	Teléfono
Administración e xestión	CM Xestión administrativa	15006778	CIFP Rodolfo Ucha Piñeiro	Avenida Castelao, 64 (Caranza), Ferrol, A Coruña 15406	981321565
		32016765	CIFP Portovello	Rúa Luís Trabazos (As Lagoas), 1, Ourense, Ourense 32004	988232649
Electricidade e electrónica	CM Instalacións eléctricas e automáticas	15014556	CIFP Coroso	Avenida da Coruña, 174C, Ribeira, A Coruña 15960	981870361
		15006754	CIFP Ferrolterra	Avenida Ramón y Cajal, s/n, Ferrol, A Coruña 15403	981333107
		15015767	CIFP Politécnico de Santiago	Rúa Rosalía de Castro, 133, Santiago de Compostela, A Coruña 15706	981522062
		27006516	CIFP Politécnico de Lugo	Rúa Armando Durán, 3, Lugo, Lugo 27002	982220328
		27020793	CIFP Porta da Auga	Avenida Luarca, Ribadeo, Lugo 27700	982128894
Electricidade e electrónica	CM Instalacións de telecomunicacións	32015050	CIFP A Farixa	Rúa Finca Farixa, s/n (Mariñamansa), Ourense, Ourense 32005	988236552
		36014489	CIFP A Xunqueira	Rúa Rafael Areses, s/n, Pontevedra, Pontevedra 36155	986873003
Enerxía e auga	CS Eficiencia enerxética e enerxía solar térmica	15006754	CIFP Ferrolterra	Avenida Ramón y Cajal, s/n, Ferrol, A Coruña 15403	981333107
		32015050	CIFP A Farixa	Rúa Finca Farixa, s/n (Mariñamansa), Ourense, Ourense 32005	988236552
		36014568	CIFP Valentín Paz Andrade	Estrada vella de Madrid, 160, Vigo, Pontevedra 36214	986270904
Fabricación mecánica	CM Soldadura e caldeiraría	15024513	CIFP Someso	Rúa Someso, 6, A Coruña, A Coruña 15008	981282200
		15006754	CIFP Ferrolterra	Avenida Ramón y Cajal, s/n, Ferrol, A Coruña 15403	981333107
		15015767	CIFP Politécnico de Santiago	Rúa Rosalía de Castro, 133, Santiago de Compostela, A Coruña 15706	981522062
		36014568	CIFP Valentín Paz Andrade	Estrada vella de Madrid, 160, Vigo, Pontevedra 36214	986270904
Hostalaría e turismo	CM Cociña e gastronomía	15027897	CIFP Paseo das Pontes	Rúa San Pedro de Mezonzo, 4, A Coruña, A Coruña 15004	981160196
		15016000	CIFP Compostela	Lamas de Abade, s/n, Santiago de Compostela, A Coruña 15702	981523140
		36020064	CIFP Carlos Oroza	Avenida Montecelo, 16, Pontevedra, Pontevedra 36161	986847002
		36013448	CIFP Manuel Antonio	Avenida de Madrid, s/n, Vigo, Pontevedra 36214	986273800
Hostalaría e turismo	CM Servizos en restauración	15027897	CIFP Paseo das Pontes	Rúa San Pedro de Mezonzo, 4, A Coruña, A Coruña 15004	981160196
		15016000	CIFP Compostela	Lamas de Abade, s/n, Santiago de Compostela, A Coruña 15702	981523140
		36020064	CIFP Carlos Oroza	Avenida Montecelo, 16, Pontevedra, Pontevedra 36161	986847002
		36013448	CIFP Manuel Antonio	Avenida de Madrid, s/n, Vigo, Pontevedra 36214	986273800
Hostalaría e turismo	CS Xestión de aloxamentos turísticos	15016000	CIFP Compostela	Lamas de Abade, s/n, Santiago de Compostela, A Coruña 15702	981523140
Industrias alimentarias	CM Aceites de oliva e viños	36007552	CIFP A Granxa	Rúa Areas, s/n, (apdo. 7) Ponteareas, Pontevedra 36860	986640068
Madeira, moble e cortiza	CM Carpintaría e moble	15024513	CIFP Someso	Rúa Someso, 6, A Coruña, A Coruña 15008	981282200
Química	CS Laboratorio de análise e control de calidade	15015767	CIFP Politécnico de Santiago	Rúa Rosalía de Castro, 133, Santiago de Compostela, A Coruña 15706	981522062
Sanidade	CM Emerxencias sanitarias	15022607	CIFP Ánxel Casal-Monte Alto	Paseo Marítimo, 47, A Coruña, A Coruña 15002	981210112
		27006516	CIFP Politécnico de Lugo	Rúa Armando Durán, 3, Lugo, Lugo 27002	982220328
		36013448	CIFP Manuel Antonio	Avenida de Madrid, s/n, Vigo, Pontevedra 36214	986273800
Sanidade	CM Farmacia e parafarmacia	15022607	CIFP Ánxel Casal-Monte Alto	Paseo Marítimo, 47, A Coruña, A Coruña 15002	981210112
		27006516	CIFP Politécnico de Lugo	Rúa Armando Durán, 3, Lugo, Lugo 27002	982220328
		36013448	CIFP Manuel Antonio	Avenida de Madrid, s/n, Vigo, Pontevedra 36214	986273800
Servizos socioculturais e á comunidade	CS Educación infantil	15022607	CIFP Ánxel Casal-Monte Alto	Paseo Marítimo, 47, A Coruña, A Coruña 15002	981210112
		15016000	CIFP Compostela	Lamas de Abade, s/n, Santiago de Compostela, A Coruña 15702	981523140
		27006516	CIFP Politécnico de Lugo	Rúa Armando Durán, 3, Lugo, Lugo 27002	982220328
		32016765	CIFP Portovello	Rúa Luís Trabazos (As Lagoas), 1, Ourense, Ourense 32004	988232649
		36014489	CIFP A Xunqueira	Rúa Rafael Areses, s/n, Pontevedra, Pontevedra 36155	986873003
Téxtil, confección e pe	CM Confección e moda	36013448	CIFP Manuel Antonio	Avenida de Madrid, s/n, Vigo, Pontevedra 36214	986273800
Transporte e mantemento de vehículos	CM Electromecánica de vehículos automóbiles	15024513	CIFP Someso	Rúa Someso, 6, A Coruña, A Coruña 15008	981282200
		15006754	CIFP Ferrolterra	Avenida Ramón y Cajal, s/n, Ferrol, A Coruña 15403	981333107
		15014556	CIFP Coroso	Avenida da Coruña, 174C, Ribeira, A Coruña 15960	981870361
		15015767	CIFP Politécnico de Santiago	Rúa Rosalía de Castro, 133, Santiago de Compostela, A Coruña 15706	981522062
		27020793	CIFP Porta da Auga	Avenida Luarca, Ribadeo, Lugo 27700	982128894
		36014489	CIFP A Xunqueira	Rúa Rafael Areses, s/n, Pontevedra, Pontevedra 36155	986873003
		36014568	CIFP Valentín Paz Andrade	Estrada vella de Madrid, 160, Vigo, Pontevedra 36214	986270904