De conformidade co disposto no artigo 36 da Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro, notifícaselles aos propietarios da relación que se achega, cuxo domicilio é descoñecido ou cando intentada a notificación, esta non se puido practicar, na concentración parcelaria da zona de Godos (Caldas de Reis, Pontevedra), declarada de utilidade pública e urxente execución polo Decreto 252/2001, do 20 de setembro (DOG núm. 197, do 10 de outubro):

Primeiro. A xunta local da zona de Godos, na súa reunión do día 22 de febreiro de 2011, aprobou as bases definitivas da dita zona, unha vez introducidas as modificacións oportunas, á vista do resultado das alegacións presentadas.

Segundo. As mencionadas bases definitivas estarán expostas ao público na Casa do Concello de Caldas de Reis (Pontevedra) e nos lugares de costume da zona durante o período de interposición de recursos, de conformidade co que determina a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro.

Terceiro. Contra estas bases, os interesados poderán interpoñer por si mesmos ou por representación recurso de alzada ante o conselleiro do Medio Rural e do Mar, dentro do prazo de trinta días contados desde o seguinte á publicación desta resolución no Diario Oficial de Galicia.

Cuarto. Os recursos poderanse presentar no Rexistro da Xefatura Territorial da Consellería do Medio Rural e do Mar en Pontevedra –rúa Fernández Ladreda, 43–, no Rexistro Xeral da Consellería do Medio Rural e do Mar –edificio administrativo de San Caetano, s/n, de Santiago de Compostela–, ou en calquera das dependencias a que fai referencia o artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Pontevedra, 20 de xaneiro de 2012.

Gerardo Zugasti Enrique
Xefe territorial de Pontevedra

ANEXO