A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, polo que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como, para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán, aos organismos responsables na Comunidade Autónoma, a homologación de ditos cursos e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se realice.

En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Biocontrol y Calidad Alimentaria, S.L.U., de acordo coas seguintes bases:

1. Denominación do curso.

Curso para a capacitación de aplicadores/manipuladores de produtos biocidas de uso ambiental e na industria alimentaria, nivel cualificado.

2. Entidade organizadora.

Biocontrol y Calidad Alimentaria, S.L.U.

3. Data.

Os días 17, 19, 24, 26 de abril e 2, 3, 8, 10, 15, 16, 22, 24 de maio de 2012.

4. Lugar de realización.

Instalacións de Biocontrol y Calidad Alimentaria, S.L.U.

Avda. Primo de Rivera n.º 4, 2.º local 6-7.

15006 A Coruña.

5. Número de prazas.

Máximo 20 alumnos.

6. Dirixido a: todo o persoal auxiliar dos servizos de aplicación de biocidas de uso ambiental e na industria alimentaria, non clasificados como moi tóxicos, e persoal de establecementos.

7. Criterios de selección.

Por rigorosa orde de recepción de inscricións.

8. Presentación de solicitudes.

Solicitude segundo modelo anexo.

9. Programa.

Día 17.4.2012
16.00-21.30 horas	Biocidas. Concepto de biocida. Historia. Composición. Utilización de biocidas. Clasificación dos praguicidas. Lexislación aplicable aos biocidas.
Día 19.4.2012
16.00-21.30 horas	Biocidas: clasificación, almacenamento, transporte. Lexislación aplicable aos biocidas. A etiqueta dos envases dos praguicidas. Etiquetaxe.
Día 24.4.2012
16.00-21.30 horas	Biocidas: formulación, preparación de biocidas. Lexislación de aplicación. Produtos utilizados. Práctica, preparación de disolucións.
Día 26.4.2012
16.00-21.30 horas	Risco para o home derivado do uso de biocidas. Prevención de riscos laborais. Relación traballo-saúde. Toxicidade dos biocidas. Estudos de letalidade. Efectos tóxicos. Seguridade laboral. Seguridade non laboral. Frases R Frases S.
Día 2.5.2012
16.00-21.30 horas	Hixiene e seguridade no manexo e aplicación de biocidas. Precaucións durante a utilización dos equipamentos. Epis de protección. Práctica: uso adecuado dos medios de protección persoal. Tipos de máscaras, protectores oculares, guantes.
Día 3.5.2012
16.00-21.30 horas	Técnicas de aplicación de biocidas. Descrición dos equipamentos mecánicos. Métodos de loita antivectorial: químicos e biolóxicos. Tipos de boquillas.
Día 8.5.2012
16.00-21.30 horas	Criterios de prevención de intoxicación por praguicidas. Condutas que se deben seguir no caso de intoxicación. Antídotos. Práctica: primeiros auxilios. Masaxe cardíaca.
Día 10.5.2012
16.00-21.30 horas	As pragas. Historia ecolóxica das pragas. Clasificación e características. Pragas urbanas. Bioloxía das pragas urbanas. Pragas de interese en saúde pública. Microorganismos produtores de enfermidades: bacterias, fungos, pragas de insectos e ácaros. Práctica: identificación.
Día 15.5.2012
16.00-21.30 horas	Pragas de roedores. Aves. Métodos de loita antivectorial. Métodos físicos e mecánicos. Métodos biolóxicos. Práctica: manexo de cebos.
Día 16.5.2012
16.00-21.30 horas	Biocidas e ambiente. Residuos de biocidas e contaminación.
Día 22.5.2012
16.00-21.30 horas	Biocidas e ambiente. Medidas preventivas de contaminación do ambiente. Alteracións do equilibrio ecolóxico.
Día 24.5.2012
16.00-21.30 horas	Biocidas e ambiente. Eliminación de envases. Pautas. Problemas derivados. Avaliación.

10. Certificado de superación do curso.

É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e en caso de superalas expedirá o certificado correspondente co cal poderá solicitar á Dirección Xeral de Innovación e Xestión da Saúde Pública da Consellería de Sanidade, o carné de aplicador/manipulador de biocidas, nivel cualificado.

Santiago de Compostela, 31 de xaneiro de 2012.

Manuel Antonio Varela Rey
Director xeral de Innovación e Xestión da Saúde Pública

ANEXO

Ficha de solicitude de inscrición

Curso para a capacitación de aplicadores/manipuladores de produtos biocidas. Nivel cualificado.

Entidade organizadora: Biocontrol y Calidad Alimentaria, S.L.U.

Datas: os días 17, 19, 24, 26 de abril e 2, 3, 8, 10, 15, 16, 22, 24 de maio de 2012, das 16.00 ás 21.30 horas.

Lugar de realización do curso:

Instalacións de Biocontrol y Calidad Alimentaria, S.L.U.

Avda. Primo de Rivera, n.º 4, 2.º local 6-7.

15006 A Coruña.

Duración: 60 horas teórico/prácticas e 1 hora de avaliación.

Horario: 16.00-21.30 horas.

N.º de prazas: máximo 20 alumnos.

Presentación de solicitudes:

Enviaranse a Biocontrol, avda. Primo de Rivera, n.º 4, 2.º, local 6-7, 15006 A Coruña. Teléfono: 981 24 54 18, fax: 981 16 81 59, correo electrónico biocontrol@biocontrolbcl.com, xunto coa seguinte documentación:

– Xustificante de ingreso de 520 euros/alumno na conta Biocontrol, S.L. do BBVA co número 0182 2201 45 0201581606.

Data límite de presentación de solicitudes: ata o día 12 de abril de 2012 (2 de abril para empresas bonificadas).

Criterio de selección: por rigorosa orde de recepción da solicitude.

EMPRESA: ...........................................................................................................................................................

CIF: .......................................................................................................................................................................

ENDEREZO: .........................................................................................................................................................

LOCALIDADE: ......................................................................................................................................................

TELEF.: ............................................................FAX:.............................................................................................

CORREO ELECTRÓNICO: ..................................................................................................................................

APELIDOS: ...........................................................................................................................................................

NOME: ..................................................................................................................................................................

NIF: ........................................................................................................................................................................